نئی دہلی:(ایجنسی)
یو جی سی نے ملک بھر کی یونیورسٹیوں میں آف لائن سمسٹر امتحانات منعقد کرنے کی اجازت دے دی ہے۔ یو جی سی نے کہا ہے کہ تمام کالج اور یونیورسٹیاںکووڈ پروٹوکول کو برقرار رکھتے ہوئے کام کر رہی ہیں۔ ایسی صورت حال میں اپنے ہوم سینٹرپر جسمانی فاصلہ برقرار رکھتے ہوئے جلد ہی منعقد ہونے والے سمسٹر کے لیے آف لائن امتحانات لیے جا سکتے ہیں۔
یو جی سی نے یہ بھی کہا ہے کہ تمام یونیورسٹیوں کو مشورہ دیا جاتا ہے کہ وہ آنے والے سمسٹر کے تمام موجودہ اور مستقبل کے سمسٹر امتحانات اپنے ہوم سینٹرز پرکووڈ 19- پروٹوکول کے بعد آف لائن موڈ میں منعقد کریں ۔
یونیورسٹیوں سے درخواست ہے کہ وہ مناسب تیاری کریں اور آف لائن موڈ میں امتحان کے انعقاد کی تیاری کے لیے اس سلسلے میں اقدامات کریں۔ درحقیقت، یونیورسٹیاں سمسٹر امتحان کے حوالے سے کنفیوژن کا شکار تھیں۔ یو جی سی کی طرف سے جاری کردہ گائیڈلائنس پر عمل کرتے ہوئے یونیورسٹیاں اپنے ہوم سینٹرس پر امتحانات منعقد کر سکیں گی۔ ملک میں کورونا کے کیسز میں مسلسل کمی کے بعد یو جی سی کا یہ فیصلہ یونیورسٹیوں کے لیے راحت کا باعث ہو سکتا ہے۔
