مظفر نگر :(ایجنسی)
اتر پردیش کے وزیر اعلیٰ یوگی آدتیہ ناتھ نے پیر کو قبرستان کا ذکر کرتے ہوئے سماج وادی پارٹی اوران کے ساتھ اتحاد میں انتخابی میدان میںاتری راشٹریہ لوک دل پر بڑا حملہ بولا۔ مظفر نگر میں ایک جلسہ عام میں سی ایم یوگی نے کہا کہ ہم ایودھیا، کاشی، متھرا، ورنداون کو ترقی دیں گے۔ قبرستان کی ترقی کے لیے ایس پی اور لوک دل کے لوگوں کو بھگوان نے پیدا کرکے انہیں بھیجا ہے۔
سی ایم یوگی آدتیہ ناتھ نے اکھلیش یادو اور جینت چودھری کی پارٹیوں پر نشانہ لگاتے ہوئے کہا، ’مجھ سےایک سیکولر لیڈر نے کہا کہ آپ صرف تیرتھوں کی کرتے ہیں؟ میں نے کہا کہ ہماری جہاں عقیدہ ہوگا ہم وہیںکام کریں گے۔ ہم ایودھیا، کاشی، متھرا میں کام کریں گے۔ ورنداون کی ترقی کریں گے۔بھگوان نے ایس پی اور لوک دل کے لوگوں کو قبرستان کی ترقی کے لیے بھیجا ہے۔‘
سی ایم یوگی نے کہا کہ ہماری حکومت نے سکھ تیرتھ کی ترقی کے لیے پوری کوشش کی ہے۔ حکومت تریتا یوگ کی یاد کو تازہ کرنے کی ہر ممکن کوشش کر رہی ہے اور پھر کریں گے بھی کیوں نہیں؟ پچھلے 5 سالوں سے بی جے پی اتر پردیش میں ہر زیارت گاہ کو بغیر رکے، انتھک اور بغیر جھکے ترقی کر رہی ہے۔
مظفر نگر سے پہلے سی ایم یوگی آدتیہ ناتھ نے بجنور میں ایک جلسہ عام سے خطاب کیا۔ انہوں نے کہا،’ڈبل انجن والی حکومت نے اتر پردیش میں عوام کو ہر سہولت ڈبل اور ٹرپل طریقے سے دی ہے۔ یاد رکھیں آج سے 5 سال پہلے اس مغربی اتر پردیش کی کیا حالت تھی؟ ہر تہوار سے پہلے یہاں فسادات ہوتے تھے۔ ہر فساد کے بعد مہینوں تک کرفیوچلتا تھا۔‘
