لکھنؤ :(ایجنسی)
بھارتیہ جنتا پارٹی نے آج اترپردیش اسمبلی انتخابات کے لیے اپنا منشور جاری کر دیا ہے۔ بی جے پی نے اپنے منشور کا نام لوک کلیان سنکلپ پتر2022 دیا ہے۔ سابق قومی صدر اور مرکزی وزیر داخلہ امت شاہ نے سی ایم یوگی کے ساتھ بی جے پی کا منشور جاری کیا۔
امت شاہ نے کہا کہ یہ صرف ایک منشور نہیں ہے، یہ ایک سنکلپ پتر ہے، یہ اترپردیش کو ایک نئے مستقبل کی طرف لے جانے کا ریزولیوشن ہے۔ انہوں نے کہا کہ سماج وادی پارٹی کے صدر وہی منشور لہراتے ہوئے پوچھتے ہیں کہ کتنے پورے ہوئے؟ میں انہیں بتانا چاہتا ہوں کہ 212 قراردادیں پوری ہو چکی ہیں۔
بی جے پی کے منشور کے دیگر بڑے اعلانات
-تمام 18 ڈویژنوں میں اینٹی کرپشن آرگنائزیشن کے یونٹ قائم کیے جائیں گے۔
-میرٹھ میں کوتوال دھن سنگھ گوجر اسٹیٹ آف دی آرٹ پولیس ٹریننگ سینٹر۔
-لیو جہاد پر 10 سال قید اور ایک لاکھ کا جرمانہ۔
- میرٹھ، رام پور، اعظم گڑھ، کانپور اور بہرائچ میں انسداد دہشت گردی کمانڈو مراکز قائم جائیں گے۔
-ہر تھانے میں سائبر ہیلپ ڈیسک۔
- 5 عالمی معیار کی نمائشیں اور جدید ترین کنونشن سینٹرز بنائیںگے۔
- 3 جدید ترین ڈیٹا سینٹر پارکس۔
- کانپور میں میگا لیدر پارک۔
-10 لاکھ روزگار اور خود روزگار کے مواقع فراہم کیے جائیں گے۔
- بابوجی کلیان سنگھ گرام اننتی یوجنا۔
- وارانسی، مرزا پور اور چترکوٹ میں روپ و سیوا۔
-2000 نئی بسوں کے ذریعے تمام دیہاتوں میں بس کی سہولت۔
- ریاست بھر میں اناپورنا کینٹین
- کاشی، میرٹھ، گورکھپور، بریلی، جھانسی اور پریاگ راج میں میٹرو۔
- ماہی گیر سماج کے لیے ندیوں کے قریب لائف گارڈز کی تقرری۔
- راجکیہ آشرم اسکول کا قیام۔
- EWS ویلفیئر بورڈ کی تشکیل۔
- تمام تعمیراتی کارکنوں کے لیے مفت لائف انشورنس۔
- معذوروں اور بزرگ شہریوں کی پنشن 1500 روپے ماہانہ۔
-چترکوٹ میں مہارشی والمیکی، بنارس میں سنت روی داس، شرنگور پور میں نشادراج گوہا اور ڈاکٹر بھیم راؤ امبیڈکر کی یاد میں ثقافتی مرکز کا قیام۔
روزگار، صحت پر بی جے پی کے منشور میں کیا ہے؟
- ہر پریوار میں کم از کم ایک ملازمت یا خود روزگار کا موقع فراہم کریں گے۔
-ریاست کی تمام محکمہ جاتی اسامیوں کو پر کرنے کا عہد ۔
- مسابقتی امتحانات کے لیے مفت کوچنگ۔
- 2 کروڑ ٹیبلیٹ یا اسمارٹ فون تقسیم کریں گے۔
-ہر گرام پنچایت میں جم اور کھیل کا میدان۔
-لائف سپورٹ سے لیس ایمبولینس کی تعداد کو دوگنا کر یں گے۔
-ہر ضلع میں ڈائیلاسیس سینٹر۔
- ایم بی بی ایس کی سیٹیں دوگنی ہو گئیں۔
-6000 ڈاکٹروں اور 10 ہزار پیرا میڈیکل اسٹاف کی تقرری کی جائیں گی۔
منشور میں کسانوں کے لیے کیا ہے؟
-کسانوں کو آبپاشی کے لیے مفت بجلی
-5 ہزار کروڑ کی لاگت سے زرعی آبپاشی اسکیم۔
-25 ہزار کروڑ کی سرمایہ کاری کے ساتھ سردار پٹیل ایگری -انفراسٹرکچر مشن۔
-آلو، ٹماٹر، پیاز جیسی تمام فصلوں کی کم از کم قیمت دینے کے لیے ایک ہزار کروڑ روپے۔
- گنے کے کاشتکاروں کو 14 دنوں کے اندر ادائیگی، تاخیر کی صورت میں سود کے ساتھ ادائیگی۔
-نشادراج بوٹ سبسڈی اسکیم۔
منشور میں خواتین کے لیے کیا ہے؟
- کالج جانے والی ہر طالبات کو مفت اسکوٹی۔
-اجولا اسکیم کےتمام مستفیدین کو ہولی اور دیپا ولی میں 2 مفت ایل پی جی سلنڈر۔
- کنیا سمنگلا یوجناکو 15 ہزار سے بڑھا کر 25 ہزار کر دی گئی۔
-غریب خاندانوں کی بیٹیوں کی شادی کے لیے ایک لاکھ روپے کی مالی امداد۔
-مشن پنک ٹوائلٹ کے لیے 1000 کروڑ روپے۔
- ہر بیوہ اور بے سہارا عورت کو 1500 روپے ماہانہ پنشن۔
- 3 نئی مہیلا بٹالین
- تمام عوامی مقامات اور تعلیمی اداروں میں سی سی ٹی وی کیمرے اور 3000 پنک پولیس بوتھ۔
-5 ہزار کروڑ کی لاگت سے اونتی بائی لودھی سیلف ہیلپ گروپ مشن کی شروعات ۔
- UPPSC سمیت تمام سرکاری ملازمتوں میں خواتین کی تعداد کو دوگنا کرنا۔
-ایک کروڑ خواتین کو خود کفیل بنانے کے لیے 1 لاکھ روپے تک کی کم ترین شرح پر لون۔
- 60 سال سے زیادہ عمر کی خواتین کے لیے مفت سفر۔
-خواتین کھلاڑیوں کو 5 لاکھ روپے تک کی مالی امداد۔
منشور میں طلباء کے لیے کیا ہے؟
- ہر ڈویژن میں ایک یونیورسٹی۔
- علی گڑھ میں راجہ مہندر پرتاپ سنگھ یونیورسٹی، اعظم گڑھ میں مہاراجہ سہیل دیو یونیورسٹی، سہارنپور میں ماں شکمبھری دیوی یونیورسٹی، لکھنؤ میں یوپی انسٹی ٹیوٹ آف پولیس اینڈ فورنسک سائنس، ایودھیا میں آیوش ایجوکیشنل انسٹی ٹیوٹ، گورکھپور میں گرو گورکشناتھ آیوش یونیورسٹی، پریاگ راج میں ڈاکٹر راجندرپرساد نیشنل لاء یونیورسٹی اور میرٹھ میں میجر دھیان چند اسپورٹس یونیورسٹی کا کام پورا کریں گے۔
بی جے پی کے منشور کے جاری ہونے کے بعد یوگی آدتیہ ناتھ نے کہا کہ یہ 25 کروڑ لوگوں کی زندگیوں میں تبدیلی لانے والا سنکلپ پترہے۔ 5 سال پہلے بھی ہم نے پی ایم مودی کی قیادت میں سنکلپ پتررکھا تھا۔ ان قراردادوں کو منتر بنا کر جو کہا تھا وہ کرکے دکھایا،جو آگے بولیں گے ان کو بھی کرکے دکھائیں گے ۔
یوگی نے کہا کہ اب یوپی میں کانوڑ یاترا بڑے دھوم دھام سے نکلتی ہے۔ سکیورٹی، امن و امان کو بھی بہتر کیا گیا ہے۔ یوگی نے کہا کہ ڈبل انجن والی حکومت میں ہر ایک کسان، غریب، خواتین کو بلا تفریق فائدہ پہنچانے کی ہر ممکن کوشش کی گئی ہے۔
منشور کے ساتھ ساتھ، بی جے پی نے ’کر کے دیکھا ہے‘ کے نام سے ایک نیا انتخابی گانا بھی لانچ کیا۔ اس میں ’کر کے دکھائے گی، بی جے پی آئے گی‘ ،لائن بھی ہے۔
وزیر داخلہ امت شاہ سی ایم یوگی کے ساتھ اندرا گاندھی فاؤنڈیشن پہنچے۔ دھرمیندر پردھان، انوراگ ٹھاکر، دونوں ڈپٹی سی ایم، سواتنتر سنگھ بھی موجود ہیں۔
بی جے پی کا منشور آنے سے پہلے اکھلیش یادو نے بی جے پی کو نشانہ بنایا۔ انہوں نے کہا کہ جن کے وعدے بیان جملے ہیں،، باتیں جھوٹی ہیں اور جو ہربار عوام کو جھانسہ دیتے ہیں ، وہ منشور نکالیں ،سنکلپ پتر ،وعدہ نامہ یا حلف نامہ ،یوپی کے عوام اب یقین نہیں کریںگے ۔
