حجاب تنازع:مسلم لڑکیوں پر دوہرا بوجھ

تحریر:میتالی مکھرجی

جب میں نوعمر تھی تب میری زندگی کا بیشتر حصہ خانہ بدوش کی طرح گزرا۔ ایک آرمی آفیسر کی بیٹی ہونے کا مطلب ہر دو سال بعد گھر، اسکول اور دوست بدلنا تھا۔ 16 سال کی عمر میں، میں چنڈی گڑھ میں تھی جہاں میرے زیادہ تر دوست سکھ یا پنجابی تھے۔ میں نے بھی ایک کڑا اور گلے میں کالے دھاگے سے بندھا چھوٹا سابر لاکٹ پہننا شروع کردیا۔ مجھے سکھ مذہب کی یہ علامتیں پہننا پسند تھا۔

یہ وہ مذہب نہیں تھا جس میں میں پیدا ہوئی تھی، لیکن مجھے اس کے کچھ حصوں کو اپنے لیے اختیار کرنے سے کبھی کسی نے نہیں روکا، کیونکہ ہندوستانی آئین کے آرٹیکل 25، 26، 27 اور 28 بھارت میں مذہب کو ماننے، اس پر عمل کرنے اور اس کی تبلیغ کرنے کی آزادی فراہم کرتے ہیں۔

گزشتہ چند ہفتوں کے دوران، سوشل میڈیا پر کرناٹک کے اُڈپی سے ویڈیوز کا سیلاب آگیا ، جس میں مسلم کمیونٹی کی نوجوان طالبات کو اسکول کے حکام، اساتذہ اور منتظمین سے التجا کرتے ہوئے دکھایا گیا ہے۔ وہ کلاسوں میں جانا چاہتی ہیں، وہ اپنے امتحانات کے بارے میں پریشان ہیں اور پڑھائی متاثر ہو رہی ہے اور انہیں اندر جانے کی اجازت نہیں دی جا رہی ہے، کیونکہ وہ حجاب پہن کر اندر جانا چاہتی ہیں۔

سب سے پہلے، ہندوتوا تنظیم سے تعلق رکھنے والے لڑکوں کا ایک بڑا گروپ اس کے خلاف احتجاج کرنے کے لیے بھگوا شال پہنے کالج آیا۔ اس کے بعد دیگر طالبات نے بھگوا شالیں پہن کر احتجاج کیا۔ اب یہ کپڑے نہ تو سیکورٹی کے لیے خطرہ ہیں اور نہ ہی سیاست کے لیے۔

ان میں سے بہت سی لڑکیاں جو اب اپنی شال اور حجاب کے تنازعہ کی وجہ سے تقسیم ہو چکی ہیں، شاید چند ماہ قبل دوست ہوں گی، ایک ساتھ ہنس کھیل رہی ہوں گی اور اپنے نوٹ بانٹ رہی ہوں گی۔

اگر قوانین سب کے لیے یکساں ہیں تو دوسرے مذاہب کا کیا؟

بہت سے لوگوں نے کالجوں اور حکام کے بچاؤ میں آئے ہیں ، وہ کہتے ہیں کہ یونیفارم کامطلبہے تمام بالکل ایک جیسا نظر آناچاہئے اوریہی اسکولنگ اور یکسانیت کا اصل معیار ہے ۔

مجھے حیرت ہے کہ اگر ایک نوجوان سکھ لڑکے کو کلاس میں جانے سے پہلے اپنی پگڑی اتارنے کو کہا جائے تو کیا ہوگا – برابری یا شرمندگی؟ اس چھوٹی بچی کا کیا بنے گا جس کے ماتھے پر اس کے دادا دادی پیار سے چندن کا ٹیکہ لگاتے ہیں؟ شاید آپ کے کلاس میں قدم رکھنے سے پہلے اسے صاف کر لینا چاہیے۔ آخرقانون توقانون ہے، ٹھیک ہے نا؟

یہاں دو چیزیں چل رہی ہیں۔ ایک، یہ براہ راست مذہبی اقلیتوں پرصریحاً ظلم ہے۔ دسمبر میں ہم نے ہندو تنظیموں کو کرسمس کی تقریبات پر دھاوا بولتے ہوئے دیکھا، اسکول کے عملے اور بچوں کو بدنام کیا، جوبھی تقریبات چل رہی تھیں اس میں خلل ڈالتے ہوئے دیکھا۔ جنوری میں دیکھ رہے کہ نوجوان مسلم طالبات کے لیے تعلیم کے دروازے بند کر دیے گئے، انھیں الگ تھلگ کر کے انھیں مذہب اور تعلیم میں سے کسی ایک کا انتخاب کرنے پر مجبور کر دیا ۔

دوسرا، لباس اور عورت ہمیشہ سے ایک ایسا موضوع رہا ہے جس پر ہندوستانی مردوں کی بہت سی آراء رہی ہیں۔ پھٹی ہوئی جینز؟ مسئلہ چھوٹے کپڑے؟مسئلہ حجاب؟ مسئلہ درحقیقت مسئلہ کپڑوں کا نہیں ہے، یہ ان لوگوں کی آنکھوں کا ہے جو اسے دیکھ رہے ہیں۔

سال 2020 میں این ایس او کی رپورٹ سے پتہ چلتا ہے کہ مسلم خواتین کی خواندگی کی شرح دلت یا آدیواسی خواتین سے زیادہ ہے، لیکن کسی بھی دوسرے مذہبی گروہ کی خواتین سے کم ہے۔

جیسا کہ اعداد و شمار ظاہر کرتے ہیں، وہ مجموعی طور پر ایک غریب کمیونٹی بھی ہیں۔ اقوام متحدہ کے ترقیاتی پروگرام (یو این ڈی پی) اور آکسفورڈ پاورٹی اینڈ ہیومن ڈیولپمنٹ انیشیٹو (او پی ایچ آئی) گلوبل ملٹی ڈائمینشنل پاورٹی انڈیکس (ایم پی آئی) 2018 کے مطابق، ہر تین میں سے ایک مسلمان کثیر جہتی غریب ہے۔ کثیر جہتی اصطلاحات آمدنی کے ساتھ غذائیت، صحت اور تعلیم جیسے اشارے کا حوالہ دیتے ہیں۔

تعلیم بہتر زندگی کے لیے پہلا اور اہم ترین مرحلہ ہے۔ یہی عقیدہ ہے جو ان گنت ہندوستانی خاندانوں کو اپنے بچوں کو سیکھنے،بچت کرنے اور بہتر طریقے سے ہاتھ پیر مارنے کی ترغیب دیتا ہے، تاکہ وہ اس اہم تعلیم اور اس اہم کتاب سے فائدہ اٹھا سکیں۔

اس میں سب سے زیادہ نقصان لڑکیوں کو ہو رہا ہے اور حکومت کا دکھاوا بھی نظر آ رہا ہے۔ 2017 میں شروع کی گئی’ بیٹی بچاؤ، بیٹی پڑھاؤ‘ مہم کو بی جے پی کی بڑی مہموں میں سے ایک سمجھا جاتا ہے۔ اس کا مقصد بیٹیوں کی قبولیت کا جشن منانا اور انہیں تعلیم دینا ہے لیکن ہو کچھ اور رہاہے ۔

سیاسی دفتر میں مذہبی سرگرمی کیوں قابل قبول ہے؟

ایک ایسا راشٹر جہاں ریاست کا وزیر اعلیٰ ہمیشہ بھگوا لباس میں ہوتا ہے اور اپنے آپ کو یوگی یا سادھو کہتا ہے اور ایک ایساراشٹر جہاں کے وزیر اعظم اور دیگر وزرائے اعلیٰ اب عوامی ’یگیہ‘ کرتے ہیں، کیا وہی ملک ان نوجوانوں اسکولی لڑکیوں کو مانگ کو قبول نہیں کررہاہے ؟

میں خواتین کو حجاب پہننے پر مجبور کرنے کے حق میں نہیں ہوں – لیکن یہ میرا ذاتی انتخاب ہے اور یہ ان کا ہے۔ ہمیں اپنی پسند کا استعمال کرنے کی اجازت ہے اور یہ کوئی شوق نہیں ہے۔ آئین اس کی اجازت دیتا ہے۔

(بشکریہ: دی کوئنٹ ہندی )