یوگی حکومت میں خوتین کو انصاف کے لیے در در بھٹکنا پڑتا ہے: پرینکا
اناؤ :(ایجنسی)
کانگریس جنرل سکریٹری پرینکا گاندھی نے اناؤ معاملے پر اتر پردیش کی یوگی حکومت پر شدید حملہ کیا ہے۔ انھوں نے اس تعلق سے ایک ٹوئٹ کرتے ہوئے کہا ہے کہ اناؤ میں جو کچھ پیش آیا وہ اتر پردیش میں نیا نہیں ہے۔ ایک دلت لڑکی کی ماں اپنی بیٹی کا پتہ لگانے کے لیے دفتروں کے چکر کاٹتی رہی، آخر میں اس کو اپنی بیٹی کی لاش ملی۔ انتظامیہ نے اس کی ایک نہیں سنی۔ بی جے پی کو اس ایشو پر سیاست کرنے کی جگہ جواب دینا چاہیے کہ انتظامیہ کیوں اس ماں کو جنوری سے دوڑاتا رہا؟ کس نے اس بیٹی کی ماں کی گزارش نہیں سنی؟
پرینکا گاندھی نے ٹوئٹ میں یہ بھی لکھا ہے کہ ’’یوگی آدتیہ ناتھ جی آپ تقریروں میں نظامِ قانون کی بات کرنا چھوڑ دیجیے۔ آپ کی حکومت میں خوتین کو انصاف کے لیے در در بھٹکنا پڑتا ہے، خواتین پر مظالم ہونے پر ان کی آواز سنی ہی نہیں جاتی۔ خواتین پر مظالم کر ان کا قتل کر دیا جاتا ہے اور آپ جھوٹے دعووں میں مصروف رہتے ہیں۔‘‘
کانگریس کو منتخب کریں گے تو اتراکھنڈ میں سیاحت کو فروغ ملے گا، پرینکا
دہرا دون : پرینکا گاندھی نے اتراکھنڈ کے کھٹیما میں جلسہ عام سے خطاب کرتے ہوئے کہا کہ اگر کانگریس کی حکومت برسراقتدار آئے گی تو یہاں کی ثقافت اور سیاحت کو فروغ دیگی۔ انہوں نے فوجیوں کے اعزاز میں مجاہد آزادی ہاؤس تعمیر کرنے کا وعدہ بھی کیا۔ اس کے علاوہ انہوں نے خواتین کی سلامتی کو یقینی بنائے جانے کا بھی وعدہ کرتے ہوئے مندرجہ ذیل وعدے کئے:
- اتراکھنڈ میں خالی پڑی ہوئی 57 ہزار اسامیوں کو پر کیا جائیے گا۔
- چار لاکھ نوجوانوں کو روزگار فراہم کیا جائے گا۔
- نیائے یوجنا کے تحت بےروزگاروں کو بےروزگاری بھتہ فراہم کیا جائے گا۔
- پینے کے پانی کی سہولت کو بہتر بنایا جائے گا۔
- ابتدائی تعلیم کے معیار میں بہتری لائی جائے گی۔
- اتراکھنڈ میں رسوئی گیس کی قیمت 500 روپے سے پار نہیں جانے دی جائے گی۔
- اتراکھنڈ میں ماحولیات اور روایات کی حفاظت کی جائے گی۔
