یوپی کے 10 اضلاع میں شام 8 بجےسے صبح 7 بجےتک نائٹ کرفیو

لکھنؤ :
اترپردیش میں بھی کورونا کیس میں مسلسل اضافہ ہورہا ہے ، جس کی وجہ سے اترپردیش کی حکومت نے ریاست کے 10اضلاع لکھنؤ ، پریاگ راج ، وارانسی ، کانپور ، گوتم بودھ نگر ، میرٹھ ، گورکھپور ، جھانسی ، بریلی اور بلیا میں رات 8بجے سے صبح 7بجے تک کرفیو لگانے کاحکم دیا ہے۔ یوپی کے ڈپٹی سی ایم دنیش شرما نے اس کا اعلان کیا ہے۔
اتر پردیش میں کورونا کیس میں مسلسل اضافہ ہورہا ہے ، یہاں تک کہ یوگی آدتیہ ناتھ خود بھی کورونا پازیٹو ہیں اور سی ایم ابھی آئیسولیشن میں ہیں ، کورونا کی وجہ سے یوپی بورڈ کے امتحانات بھی ملتوی کردیئے گئے ہیں۔
دوسری جانب سی ایم اروند کیجریوال نےدہلی میں ویک اینڈ لاک ڈاؤن کا اعلان کیا ہے ، ملک کی کئی ریاستیں کورونا کے تباہی سے پریشان ہیں ، یہاں تک کہ روزانہ ڈیڑھ لاکھ سے زیادہ معاملات سامنے آرہے ہیں۔
کورونا وائرس کی دوسری لہر مسلسل تباہی مچا رہی ہے ، ہر روز کورونا کیسز ایک نیا ریکارڈ قائم کررہے ہیں۔ جمعرات کو وزارت صحت کی جاری کردہ اعداد و شمار کے مطابق ملک میں گزشتہ 24 گھنٹوں کے دوران کووڈ کے 2,00,739 نئے کیس رپورٹ ہوئے ، وہیں ایک ہزار سے زیادہ لوگوں کی جان بھی چلی گئی۔ کورونا کے بڑھتے ہوئے معاملے کی وجہ سے اسکول اور کالج کوبند کرنا پڑا ہے۔