غاز ی آباد :(ایجنسی)
غازی آباد کے راج نگر ایکسٹینشن میں ایک فیشن ڈیزائنر نے 11ویں منزل سے چھلانگ لگا کر خودکشی کر لی۔ لڑکی کا نام آیوشی دکشٹ ہے۔ واقعے کے وقت لڑکی کی ماں بھی فلیٹ میں موجود تھی۔ پولیس کو آیوشی سے ایک سوسائڈ نوٹ بھی ملا ہے جس کی جانچ کی جا رہی ہے۔
یہ واقعہ نند گرام علاقہ کے راج نگر ایکسٹینشن سریشت سوسائٹی میں پیش آیا۔ میرٹھ کے کنکر کھیڑا کے رہنے والے ستیش دکشٹ کا پریوار سوسائٹی کے پلاٹ نمبر 1101 میں رہتا ہے۔ ستیش دکشٹ کی میرٹھ روڈ پر اپنی فیکٹری ہے۔ ستیش کی بیٹی آیوشی نوئیڈا کے گورو اسٹوڈیو میں فیشن ڈیزائنر ہیں۔ معلومات کے مطابق آیوشی کی کمپنی نے ماضی میں کرینہ کپور کا لباس بھی ڈیزائن کیا تھا۔
25 سالہ آیوشی پیر کی رات تقریباً 8 بجے فلیٹ کی بالکونی میں پہنچی، جہاں اس نے کرسی رکھی اور اس پر چڑھ کر ریلنگ سے نیچے کود گئی۔ ایک تیز آواز سن کر گارڈ موقع پر پہنچ گیا۔ اطلاع ملتے ہی لوگوں کی بھیڑ جمع ہوگئی۔ سبھی زخمی لڑکی کو فوراً اسپتال لے گئے۔ اسپتال میں ڈاکٹروں نے لڑکی کو مردہ قرار دے دیا۔
خودکشی نوٹ میں لکھا: ’ملازمت کے تناؤ کی وجہ سے خودکشی کررہی ہوں‘
پولیس کو ایک خودکشی نوٹ بھی ملا ہے۔ خودکشی نوٹ میں لکھا گیا ہے کہ ملازمت کے تناؤ کی وجہ سے خودکشی کر رہی ہوں۔ خودکشی نوٹ میں یہ بھی لکھا گیا ہے کہ وہ مقام حاصل نہیں کرسکی جو وہ حاصل کرنا چاہتی تھی۔ اس کے علاوہ سوسائڈ نوٹ میں باپ کا حوالہ دیتے ہوئے لکھا ہے ’پاپا، آپ کے راج میں کوئی خوش نہیں رہ سکتا۔ آیوشی نے اپنے والد کے لیے جو لکھا ہے، پولیس اس کی جانچ کررہی ہے ۔
ساتھ ہی گھر والوں نے پولیس کو بتایا کہ آیوشی خودکشی کے دن صبح سے ہی پریشان تھی۔ اس نے چائے بھی نہیں پی۔ آیوشی کی ایک بہن اور ایک بھائی ہے۔ آیوشی نے کانگڑا، ہماچل سے فیشن ڈیزائننگ کا کورس کیاتھا۔ اس کے بعد، وہ نوئیڈا کے سیکٹر 5 میں واقع گورو اسٹوڈیو میں تقریباً 3 سال سے فیشن ڈیزائننگ کر رہی تھیں۔
