روس – یوکرین جنگ:اب تک 5300 روسی فوجی ہلاک ، یوکرین کا دعویٰ

کیف :(ایجنسی)

روس اور یوکرین کے درمیان شدید جنگ جاری ہے۔ یوکرین نے دعویٰ کیا ہے کہ اس جنگ میں اب تک 5300 روسی فوجیوں کی موت ہو چکی ہے۔ اسی دوران دونوں ممالک کے درمیان آج بیلاروس میں مذاکرات ہونے جا رہے ہیں۔ جہاں اس جنگ کو روکنے کے معاملے پر کوئی بھی فیصلہ آسکتا ہے۔ دونوں طرف سے اب تک سیکڑوں فوجی ہلاک ہو چکے ہیں۔ درجنوں لڑاکا طیارے، ہیلی کاپٹر اور ٹینک بھی تباہ ہوچکے ہیں۔

دونوں ممالک کے درمیان آج بیلاروس میں مذاکرات

دونوں ممالک کے درمیان تاریخی ملاقات ہوگی۔ اس اجلاس میں روس اور یوکرین کے درمیان جاری جنگ پر اہم فیصلہ کیا جا سکتا ہے۔ بتادیں کہ بیلاروس کی وزارت خارجہ نے ایک تصویر ٹویٹ کرکے ملاقات کے بارے میں معلومات دیں ہیں۔

دوسری جانب حکومت ہند یوکرین سے ہندوستانی طلباء کو واپس لانے کی پوری کوشش کر رہی ہے۔ ایسے میں پیر کو وزیر اعظم نریندر مودی نے یوکرین بحران پر ایک اعلیٰ سطحی میٹنگ کی صدارت کی۔ خبر رساں ایجنسی اے این آئی کے مطابق مرکزی وزراء ہردیپ سنگھ پوری، جیوترادتیہ سندھیا، کرن رجیجو اور جنرل (ریٹائرڈ) وی کے سنگھ ہندوستان کے خصوصی ایلچی کے طور پر یوکرین کے پڑوسی ممالک کا دورہ کریں گے۔

اس میں مرکزی وزیر جیوترادتیہ سندھیا رومانیہ اور مالدووا جائیں گے، کرن رجیجو سلواکیہ جائیں گے، ہردیپ سنگھ پوری ہنگری جائیں گے اور جنرل (ریٹائرڈ) وی کے سنگھ پولینڈ جائیں گے۔ یہ سبھی یوکرین میں پھنسے ہوئے ہندوستانی طلباء کی واپسی کا انتظام کریں گے۔

اہم بات یہ ہے کہ یوکرین میں پھنسے ہندوستانی طلباء کو گھر لایا جا رہا ہے۔ پیر کی صبح گجرات کے تقریباً 100 طلبا ء گاندھی نگر پہنچے ۔ جہاں سی ایم بھوپندر پٹیل نے ان کا استقبال کیا ۔ یہ یوکرین سے ممبئی اور دہلی میں اترے اور انہیں وولوو بسوں کے ذریعے گجرات لایا گیا۔

یوکرین سے دہلی آنے والے ایک طالب علم نے کہا کہ حکومت نے ہماری بہت مدد کی ہے۔ ہندوستانی سفارت خانے کی طرف سے ہر ممکن مدد فراہم کی گئی۔ سب سے بڑا مسئلہ سرحد پار کرنا ہے۔ مجھے امید ہے کہ تمام ہندوستانیوں کو واپس لایا جائے گا۔ کئی اور ہندوستانی اب بھی یوکرین میں پھنسے ہوئے ہیں۔

وہیں روس اور یوکرین کی اس جنگ میں دنیا کی نظریں ہندوستان کے موقف پر لگی جمی ہوئی ہیں۔ دراصل روس اسلحے کے معاملے میں ہندوستان کے لیے بہت اہم ہے۔ دوسری طرف امریکہ چاہتا ہے کہ بھارت روس کے خلاف اس کا ساتھ دے، لیکن بھارت روس اور یوکرین سے تحمل سے کام لینے کی بات کر رہا ہے۔