نیویارک:
مصر اور اقوام متحدہ نے بیت المقدس میں کشیدگی کم کرنے اور غزہ میں جنگ کے خطرات کو کم کرنے کے لیے متفقہ کوششیں جاری رکھنے کا اعلان کردیا مصر ی وزیر خارجہ سامع شکری اور مشرق وسطیٰ میں امن عمل کے لیے اقوام متحدہ کے مندوب ٹور ونسلینڈ نے بیت المقدس اور غزہ میں کشیدگی سے بچنے کے لیے رابطے تیز کرنے پر اتفاق کیا۔ وزیر خارجہ نے کہا کہ اردن، فرانس اور جرمنی کے ساتھ مصر کی مشترکہ کوششیں کی جا رہی ہیں۔یاد رہے کہ صہیونی حکومت اور فلسطینی مزاحمت کاروں کے درمیان مقبوضہ علاقوں اور غزہ میں حالات کشیدہ ہیں۔ اسرائیلی فوج کا دعویٰ ہے کہ غزہ کی جانب سے حماس نے اسرائیل کی طرف راکٹ داغے، جس کے جواب میں تنظیم کے ٹھکانوں پر بم باری کی گئی ہے۔ دوسری جانب قابض فوج اور صہیونی پولیس کی فول پروف سیکورٹی میں یہودی شرپسندوں کے ہاتھوں مسجد اقصیٰ کی بے حرمتی کا سلسلہ جاری ہے۔ گزشتہ روز 134 یہودی آبادکاروں نے فوج اور پولیس کی فول پروف سیکورٹی میں مسجد اقصیٰ میں داخل کر مقدس مقام کی بے حرمتی کی۔ فلسطینی ذرائع ابلاغ کے مطابق یہودی آباد کاروں اور صہیونی انٹیلی جنس حکام سمیت کئی شرپسند وں نے مسجد اقصیٰ میں گھس کر بے حرمتی کی۔ آباد کار الگ الگ گروہوں کی شکل میں قبلہ اول میں داخل ہوئے۔
اقوام متحدہ اور مصر بیت المقدس اور غزہ میں امن کیلئے سرگرم
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔