گھر میں مریضوں کو آکسیجن چاہیے تو یہ شرائط پوری کریں

نئی دہلی:
کورونا کی دوسری لہر میں دہلی میں آکسیجن کی شدید قلت دیکھنے کو مل رہی ہے۔ آکسیجن کی کمی کی وجہ سے کئی مریضوں نے دم توڑ دیا اور کئی مریض اس بیماری سے جنگ لڑرہے ہیں۔ آکسیجن کی قلت کے درمیان اب ایک راحت کی خبر سامنے آئی ہے۔ ہوم آئیسولیشن میں رہ رہےکورونا مریضوں کو آکسیجن سلنڈر آسان طریقے سے مل سکے اس کے لیے دہلی سرکار نے سسٹم بنایا ہے۔
بتادیں کہ جن لوگوں؍ افراد کو ہوم آئیسولیشن میں رہ رہے لوگوں کے لیے آکسیجن چاہئے ، وہ دہلی سرکار کے پورٹل https://delhi.gov.inپر درخواست دے سکتے ہیں۔

آکسیجن حاصل کرنے کے لئے ان چیزوں کی ضرورت

آکسیجن کے لئے درخواست کے ساتھ، فوٹو، آدھار کارڈ، کووڈپازیٹیو رپورٹ جیسی معلومات کو بھی اپ لوڈ کرنی ہوںگی۔ اگر کسی بھی معاملے میں سی ٹی اسکین کی رپورٹ ہے تو اس کو بھی اپ لوڈ کر سکتے ہیں، تاکہ یہ بات بتائی جاسکے کہ مریض کو آکسیجن کی ضرورت ہے۔
اس سلسلے میں تمام اضلاع کے ضلع مجسٹریٹ کو کہا گیا کہ جو بھی درخواست آکسیجن کے لیے آئے اس کو الگ کرنے کے لیے مناسب تعداد میں ملازمین لگائے جائیں اور جو لوگ آکسیجن پانے کے اہل ہیں ان کو ای پاس اولین ترجیج پر جاری کیا جائے۔
آکسیجن کے ضرورتمند لوگوں کو ڈی ایم کی طرف سے جاری ہوا پاس بھی ملے گا، جس میں یہ لکھا ہوگا کہ کس تاریخ کو، کس جگہ ، کس وقت اور کس ڈپو پر آکسیجن سلنڈر ملے گا، یہ اسٹاک کی دستیابی پر انحصار کرتا ہے ۔
ڈسٹرکٹ مجسٹریٹ کو یہ بھی ہدایت کی گئی ہے کہ ایسے ڈپو یا ڈیلر رکھے جائیں ، جہاں پر جا کر شخص کو آکسیجن سلنڈر سیدھا مل جائے ، انہیں یہ بھی یقینی بنانے کے لیے کہا گیا ہے کہ ایسا نہیں ہونا چاہئے کہ وہ شخص کو کہیں اور سلنڈر بھروانے کے لیے بھیج دیں۔
بتادیں کہ دہلی میں آکسیجن سلنڈر بھروانے کے لیےالگ الگ جگہوں اور ریفلنگ سینٹر پر لمبی لمبی لائنیں دیکھنے کومل رہی ہیں ، جس کے پیش نظر دہلی حکومت نے یہ حکم جاری کیا ہے۔ حکم کے مطابق جمعرات 6 مئی یعنی آج سے دہلی حکومت کی ویب سائٹ پر درخواستیں دی جاسکتی ہیں۔