قندھار:
طالبان نے افغانستان کے کئی اضلاع پر قبضہ کر کے فوجیوں کے ہتھیار ضبط کر لیے۔ترجمان افغان وزارت دفاع کے مطابق افغانستان میں عیدپرجنگ بندی کے بعد لڑائی میں شدت آئی ہے اور طالبان نے میدان وردگ صوبےاورمشرقی صوبے لغمان کے2اضلاع پر قبضہ کر لیا ہے۔ ترجمان کا کہنا ہے کہ حکومتی فوسرزایک حکمت عملی کےتحت لغمان صوبےکےدولت شاہ نامی ضلع سےپیچھے چلے گئے ۔ دوسری جانب طالبان ترجمان کا کہنا ہے کہ طالبان نےجمعہ کی صبح میدان وردگ صوبےکےجلریزضلع پرقبضہ کر لیاہے۔ محاصرےمیں لیےگئےافغان فوجیوں نےطالبان کےسامنےہتھیار ڈال دیئےہیں۔ واضح رہے کہ طالبان اور افغان حکومت نے عید پر جنگ بندی کا اعلان کیا تھا، عید ختم ہوتے ہی کئی خونریز جھڑہیں ہوئی ہیں اور غیرملکی فوج کے انخلا کے دوران طالبان کی پیش قدمی جاری ہے۔










