اسرائیل کا شمال میں ایک بڑے فوجی آپریشن کی تیاری کا اعلان

اسرائیلی وزیراعظم بنیامین نیتن یاہو نے تصدیق کی ہے کہ اسرائیل شمال میں بڑے پیمانے پر فوجی مہم کی طرف بڑھ رہا ہے۔ اسرائیلی چینل 13 کے مطابق یاہو کے حلقے کے ایک سینئر عہدیدار نے کہا ہے کہ فوجی کارروائی کے لیے کوئی تاریخ طے نہیں کی گئی لیکن یہ مستقبل قریب میں طے کی جائے گی۔
چینل 13 نے یہ بھی وضاحت کی ہے کہ کل ہونے والی سٹریٹجک بحث میں نیتن یاہو نے کہا ہے کہ ہم ایک وسیع اور شدید مہم کی طرف بڑھ رہے ہیں۔ شمالی محاذ پر بحث کے لیے سیاسی اور سیکورٹی وزارتی کونسل کا اجلاس کل ہوگا۔ چینل نے کہا سکیورٹی کے اندازے بتاتے ہیں کہ شمال میں جنگ کو پھیلانے کے لیے غزہ میں فوجی موجودگی کو کم کرنے کی ضرورت ہے۔
٭اسرائیلی حملے
جنوبی لبنان میں گاڑیوں کو نشانہ بنانے والے ایک نئے اسرائیلی حملے میں موٹر سائیکل پر سوار ایک ڈرون نے ضلع صیدا کے علاقے الصرفند پر چھاپہ مارا۔ ایمبولینس کی ٹیمیں اس مقام کی طرف روانہ ہوئیں۔ یہ پہلا موقع تھا جب الصرفند کو نشانہ بنایا گیا تھا۔
اسی تناظر میں اسرائیلی طیاروں نے مغربی سیکٹر میں واقع قصبے شیحین کو نشانہ بنایا۔ جنگی طیاروں نے فاطمہ گیٹ کے قریب قصبے ’’کفر کلا‘‘ کو بھی نشانہ بنایا۔ ہمارے نمائندے نے اطلاع دی ہے کہ اسرائیلی حملے میں الھرمل ضلع میں لبنان اور شام کی سرحد کو نشانہ بنایا گیا۔
*جنوبی لبنان سے حملے
ہفتہ کو حزب اللہ نے شمالی اسرائیل کے علاقے بالائی الجلیل کی طرف چار بم داغے جن سے صفد میں اسرائیلی فوج کے شمالی علاقے کے ہیڈ کوارٹر کو نشانہ بنانے کی کوشش کی گئی اور اسرائیلی فوج نے جوابی کارروائی میں حزب اللہ کے ٹھکانوں کو نشانہ بنایا۔