سری نگر:
کورونا وائرس کی وبا کے سبب پورے ملک میں بچوں کی تعلیم متاثر کررہی ۔ ایسے میں اسکول اور کوچنگ انسٹی ٹیوٹ آن لائن کلاسز کے ذریعہ اس تعلیم جاری رکھا ہے، لیکن کچھ بچوں کی شکایت ہے کہ انہیں آن لائن کلاسز میں ٹیچر زیادہ کام دیتےہیں ،ایسی ایک بچی جموں وکشمیر کی ہے۔ اس کی عمر 6 سال ہے۔ اس نے اپنے اس مسائل کی جانکاری وزیر اعظم مودی تک پہنچانے کے لیے ان کے نام ویڈیو پیغام جاری کیا ہے ۔
بچی نے اس ویڈیو میں پیارے انداز میں پی ایم مودی سے جذباتی اپیل کی ہے۔ اس کا ویڈیو اب سوشل میڈیا پر وائرل ہو رہاہے ۔ اسے جموں وکشمیر کے لیفٹیننٹ گورنر منوج سنہا نے بھی شیئر کیا ہے ۔
ویڈیو میں 6 سالہ بچی پی ایم مودی کو ایک پیغام دیتے ہوئے کہتی ہے ،’ ‘السلام وعلیکم مودی صاحب ، میں ایک لڑکی بول رہا ہوں۔ میں زووم کلاس کی باتیں بول سکتی ہوں۔ جو 6 سال کے بچے ہوتے ہیں ان کو زیادہ کام کیوں رکھتے ہیں۔ پہلے میری انگریزی ، حساب ،اردو ،ای وی ایس اور اس کے بعد کمپیوٹر کی کلاس ہوتی ہے، میری 10 بجے سے لے کر 2 بجے تک کلاس چلتی ہے، اتنا کام تو بڑے بچوں کے پاس ہوتا ہے۔‘
اس ویڈیو کے منظر عام پر آنے کے بعد جموں و کشمیر کے لیفٹیننٹ گورنر منوج سنہا نے ایکشن لیا ہے۔ انہوں نے بچی کا ویڈیو شیئر کرتے ہوئے کہاہے،’ بہت ہی پیاری شکایت ، اسکول کے بچوں پر کام کا بوجھ کم کرنے کے لیے محکمہ اسکول ایجوکیشن کو ہدایت کی گئی ہے کہ وہ 48 گھنٹوں میں ایک موثر پالیسی مرتب کرے۔ بچپن کی معصومیت خدا کا تحفہ ہے۔ ان کے دن خوشی سے بھرپور ہونے چاہئے۔
اس بچی کی ویڈیو سوشل میڈیا پر بہت وائرل ہو رہی ہے۔ یہ ویڈیو 1 منٹ 11 سیکنڈ کی ہے۔ اب تک 4.89 لاکھ افراد اس ویڈیو کو دیکھ چکے ہیں۔
