حزبِ اللہ چیف نے کہا ،یہ عظیم فتح ہے،دفاع کا حق نہیں چھوڑا،فلسطین کی غیر متزلزل حمایت جاری رہےگی

بیروت: حزب اللہ کے رہنما نعیم قاسم نے ’مزاحمت کی عظیم فتح‘ کا اعلان کرتے ہوئے کہا کہ ان کے گروپ نے حزب اللہ کو ختم کرنے اور مزاحمت کو کمزور کرنے کی اسرائیل کی کوششوں کو ناکام بنا دیا "ہم جیت گئے کیونکہ ہم نے دشمن کو حزب اللہ اور مزاحمت کو ختم کرنے سے روکا،” قاسم نے بدھ کی صبح اسرائیل کے ساتھ جنگ بندی کے نفاذ کے بعد اپنی پہلی ٹیلی ویژن تقریر میں  یہ دعویٰ کیا. 64 دن پہلے شروع ہونے والے اسرائیلی زمینی حملے کا تذکرہ کرتے ہوئے، قاسم نے تسلیم کیا کہ ابتدائی حملوں نے حزب اللہ کے اندر تقریباً دس دن تک الجھن پیدا کر دی تھی۔ تاہم،  گروپ نے تیزی سے  خود کو  منظم کیا، اپنی طاقت دوبارہ حاصل کی، اور اپنے کمانڈ اینڈ کنٹرول سسٹم کو مضبوط کیا، بالآخر اسرائیل کے ہوم فرنٹ پر حملے شروع کر دیے۔قاسم نے حزب اللہ اور اسرائیل کے درمیان تنازعہ کا حوالہ دیتے ہوئے جو کہ اقوام متحدہ کی ثالثی میں ہونے والی جنگ بندی کے ساتھ ختم ہوا تھا، اس نتیجے کو "اسرائیلی دشمن کے خلاف مزاحمت کے لیے ایک عظیم فتح،بلکہ  جولائی 2006 کی جنگ کی فتح سے بھی زیادہ” قرار دیا۔جنگ بندی کے معاہدے پر، قاسم نے واضح کیا کہ یہ "معاہدہ کوئی نیا معاہدہ نہیں ہے، بلکہ اقوام متحدہ کی قرارداد 1701 کو نافذ کرنے کا فریم ورک ہے”۔ انہوں نے معاہدے پر عمل درآمد کو یقینی بنانے کے لیے حزب اللہ اور لبنانی فوج کے درمیان ہم آہنگی پر بھی زور دیا۔ انہوں نے کہا کہ "فوج لبنان کے اندر اور اس کی سرحدوں کے ساتھ سیکورٹی کی نگرانی کرے گی، جبکہ مزاحمت مضبوط ہے اور اپنے دفاع کا حق برقرار رکھے گی”۔قاسم نے فلسطین کے لیے حزب اللہ کی غیر متزلزل حمایت کی بھی تصدیق کی، یہ نوٹ کرتے ہوئے کہ یہ عزم مختلف ذرائع سے جاری رہے گا۔(آئی آئے این ایس کے ان پٹ کے ساتھ)