لکھنؤ:
سابق نو کر شاہ سوریہ پرتاپ سنگھ اتر پردیش میں یوگی آدتیہ ناتھ کی قیادت والی حکومت کی تنقید کرنے والے اپنے تیکھے ٹوئٹس اور پھر اپنے خلاف درج ہونے والی ایف آئی آر کو لے کر لگاتار خبروں میں ہیں۔
ان کے خلاف سب سے تازہ معاملہ اس ہفتہ کے شروع میں درج کیا گیا تھا جب انہوں نے مبینہ طور پر کچھ چھیڑ چھاڑ کے ساتھ تیار ایک آڈیو شیئر کیا تھا ، جس میں ٹوئٹر پر دو نامعلوم لوگوں کو یوپی کے وزیر اعلیٰ کی حمایت کرنے کے لیے پیسے کی مانگ کرتے سنا جا سکتا ہے ۔ سوریہ پرتاپ سنگھ نے اپنے ٹویٹ میں آڈیو کو ’یوگی کا ٹول کٹ ‘ قرار دیا تھا۔
اس معاملے میں ، کان پور پولیس نے اتل کشواہا کی شکایت پر ایف آئی آر درج کی تھی ، جنہوں نے سنگھ اور دو دیگر افراد پر انہیں اور یوگی آدتیہ ناتھ کو بدنام کرنے کاالزام لگایا تھا۔ تینوں پر تعزیت ہند کی دفعہ 505 (عوامی نقصان کابیان دینا) کے تحت معاملہ درج کیا گیا تھا۔
پولیس افسران کی ایک ٹیم نے ہفتے کے روز لکھنؤ واقع ان کی رہائش گاہ پر سوریہ پرتاپ سنگھ سے 4 گھنٹے سے زیادہ وقت تک پوچھ گچھ کی۔ سابق نوکر شاہ نے کہاکہ یہ انہیں ڈرانے اور معاملات اٹھانے سے روکنے کی کوشش ہے ۔
لیکن 66 سالہ سابق آئی اے ایس افسر کے لئے ایسے معاملے کوئی نئی بات نہیں ہیں۔ گزشتہ ایک سال میں ان کے خلاف مبینہ طور پر گمراہ کن معلومات پھیلانے کے الزام میں چھ -چھ ایف آئی آر درج کی جاچکی ہے ، جن میں سے دوتو مئی 2021 میں درج کی گئیں۔
