ٹرمپ نے ایران پر عائد پابندیاں ختم کرنے کی مشروط پیشکش کی

امریکی صدر ڈونلڈ ٹرمپ نےکہا ہے کہ اگر ایران نیک نیتی کا مظاہرہ کرے تو امریکہ اس پر عائد پابندیاں ختم کر سکتا ہے۔انہوں نے یہ بات امریکی ٹی وی چینل "فوکس نیوز” کو دیے گئے ایک انٹرویو میں کہی، جہاں انہوں نے مزید کہا کہ "ایران اس وقت جوہری منصوبے پر واپس جانے کا سوچ بھی نہیں رہا، وہ بہت تھکا ہوا ہے”۔
ٹرمپ نے مزید بتایا کہ "ایران کے پاس امریکی حملوں سے پہلے یورینیم منتقل کرنے کا وقت ہی نہیں تھا”۔ان کا کہنا تھا کہ حالیہ جنگ ایران کے لیے بہت مہنگی ثابت ہوئی ہے اور تہران جوہری ہتھیار حاصل کرنے سے صرف چند ہفتے دور تھا۔مریکی صدر نے اس موقع پر یہ بھی کہا کہ ” یورینیم افزودگی” ایک خطرناک اصطلاح ہے اور ایران کو اسے استعمال نہیں کرنا چاہیے۔واضح رہے کہ 13 جون سے امریکہ اور ایران کے درمیان 12 روز تک جاری رہنے والی غیر معمولی جھڑپوں کے دوران امریکہ نے بھی تنازعے میں کھل کر مداخلت کی۔ہفتے کی شب امریکہ نے ایران کی تین جوہری تنصیبات فردو، نطنز اور اصفہان پر فضائی حملے کیے۔ایران نے جواباً قطر اور عراق میں امریکی فوجی اڈوں کو نشانہ بنایا، تاہم ان حملوں میں کوئی جانی نقصان رپورٹ نہیں ہوا۔چند گھنٹوں بعد صدر ٹرمپ نے اچانک جنگ بندی کا اعلان کر دیا۔