حج 2026: سعودی حکومت کا بڑا فیصلہ، دوران حج میاں بیوی ایک کمرے میں نہیں رہ سکیں گے

سعودی عرب میں حج کے دوران میاں بیوی ایک کمرے میں ایک ساتھ نہیں رہ سکیں گے۔ اس بار مرد اور خواتین حجاج کو الگ الگ کمروں میں ٹھہرایا جائے گا۔ سعودی عرب کی حکومت نے عازمین حج کو مرد اور خواتین کو ایک ہی کمرے میں رکھنے کا نظام ختم کردیا ہے۔ مردوں کو بھی خواتین حجاج کے کمروں میں جانے کی اجازت نہیں ہوگی۔ہر سال ملک بھر سے تقریباً 1.75 لاکھ عازمین سعودی عرب روانہ ہوتے ہیں۔ حج کمیٹی آف انڈیا سعودی عرب میں عازمین حج کے قیام کے لیے ہوٹل اور عمارتیں کرائے پر دیتی ہے۔ کمروں کے سائز کے مطابق ایک ہی ریاست کے مرد اور خواتین عازمین حج کے گروپ بنانے اور انہیں ایک ہی کمرے میں رکھنے کا انتظام ہے۔حج کمیٹی آف انڈیا نے حج 2026 کے لیے رہنما خطوط جاری کرتے ہوئے مطلع کیا ہے کہ سعودی عرب کی حکومت نے مرد اور خواتین عازمین حج کو ایک ہی کمرے میں ایک ساتھ رکھنے کے انتظامات کو ختم کر دیا ہے۔ سعودی حکومت کے قوانین کے مطابق مرد حجاج کو خواتین کے کمروں میں داخلے کی اجازت نہیں ہوگی۔قریبی رشتہ داروں کو ملحقہ کمرے ملیں گے۔
ریاستی حج کمیٹی کے سکریٹری ایس پی تیواری نے کہا کہ رہنما خطوط کے مطابق ایک ہی عمارت میں ایک شہر کے عازمین حج کو ٹھہرانے کو ترجیح دی جائے گی۔ میاں بیوی اور قریبی رشتہ داروں کے کمرے ایک دوسرے سے ملحق رکھنے کے لیے کہا گیا ہے تاکہ ضرورت پڑنے پر ایک دوسرے کی مدد کر سکیں۔ انہوں نے کہا کہ محرم کے بغیر کیٹیگری میں جانے والی خواتین کو ساتھ رکھا جائے گا۔ انہوں نے کہا کہ اس انتظام سے متعلق کئی عملی مسائل کے پیش نظر حج کمیٹی آف انڈیا کو ایک خط بھیجا جائے گا۔ تاہم حتمی فیصلہ سعودی عرب کی حکومت کو کرنا ہے۔
**ہندوستانی عازمین حج کو اکیلے اکیلے رہنے کی اجازت دی گئی۔:ریاستی حج کمیٹی کے سکریٹری ایس پی تیواری نے کہا کہ سعودی عرب میں دنیا کے تمام ممالک کے مرد و خواتین عازمین حج کو الگ الگ کمروں میں ٹھہرایا جاتا ہے۔ انہوں نے کہا کہ ہندوستان جانے والے زیادہ تر عازمین عمر رسیدہ اور کم تعلیم یافتہ ہیں۔ اس کے پیش نظر سعودی حکومت نے صرف ہندوستانی مرد و خواتین حجاج کو ایک ہی کمرے میں ایک ساتھ رہنے اور باورچی خانے کی اجازت دی تھی۔ انہوں نے کہا کہ کچھ لوگوں نے شکایت کی کہ خواتین ایک کمرے میں رہنے کی وجہ سے بے پردہ ہو جاتی ہیں۔ انہوں نے کہا کہ مرد اور خواتین عازمین حج کو الگ الگ کمروں میں رکھنے کی کوشش گزشتہ سال سے جاری ہے۔