یوپی: زمین کے  ایک ٹکڑے کی خاطر بیٹے نے کلہاڑی سے ماں، باپ اور بہن کے ٹکڑے کردیے ۔

اترپردیش کے غازی پور ضلع کے ڈیلیا گاؤں میں اس وقت دنگ رہ گیا جب ایک بیٹے نے اپنی ہی ماں، باپ اور بہن کو کلہاڑی کے وار کر کے بے دردی سے قتل کر دیا۔ یہ افسوسناک واقعہ ہفتہ کی صبح سامنے آیا جس نے پورے علاقے میں دہشت  پھیلا دی۔ ملزم کی شناخت ابھے یادو کے طور پر ہوئی ہے جو واقعہ کے بعد سے فرار ہے۔**پورے خاندان کا قتل
ضلع کے ایس پی نے خود موقع پر پہنچ کر معاملے کی تصدیق کی۔ انہوں نے کہا کہ مقتولین  کی شناخت شیو رام یادو، اس کی بیوی اور بیٹی کے طور پر ہوئی ہے۔ لاشیں کھیتوں اور جھاڑیوں میں بکھری ہوئی ملی ہیں جن پر کلہاڑی سے حملہ کیا گیا تھا۔ ابتدائی تفتیش میں یہ بات سامنے آئی ہے کہ شیو رام یادو نے اپنی زمین کا ایک حصہ اپنی بیٹی کو منتقل کر دیا تھا، جس کی وجہ سے بیٹا ابھے ناراض تھا۔ اس تنازعہ نے ہفتہ کو خوفناک رخ اختیار کر لیا۔گاؤں والوں کے مطابق ابھے یادو شادی شدہ تھا اور اپنے والدین سے الگ رہتا تھا۔ اس کی بہن کی پہلی شادی ٹوٹ گئی تھی، اور وہ اپنے والدین کے ساتھ رہتی تھی اور ان کی خدمت کرتی تھی۔ اس بات کو لے کر ابھے مسلسل ناراض تھا اور ہفتہ کو اس نے کلہاڑی سے تینوں کا قتل کر دیا۔اس گھناؤنے جرم کو سنجیدگی سے لیتے ہوئے پولیس نے ایس او جی سمیت تین ٹیمیں تشکیل دی ہیں جو ملزمان کی گرفتاری کے لیے ممکنہ ٹھکانوں پر چھاپے مار رہی ہیں۔ گاؤں میں سیکورٹی سخت کر دی گئی ہے اور گاؤں والوں سے پوچھ گچھ کی جا رہی ہے۔ اس قتل عام کے بعد گاؤں کے لوگ صدمے میں ہیں۔