نئی دہلی :
سوشل میڈیا پر راشٹریہ سویم سیوک سنگھ (آر ایس ایس ) کے لیڈر بھارتیہ جنتا پارٹی (بی جے پی کے لیڈروں کی طرح سرگرم نہیں ہیں۔ آر ایس ایس کے کئی بڑے پرچارکوں کا ٹوئٹر پر اکاؤنٹ ہے، لیکن ان میں سے زیادہ تر لوگ زیادہ ایکٹیو نہیں رہتے۔ اتنا نہیں زیادہ تر پرچارک ’ راشٹریہ کا جھنڈا‘ بلند کرنے والے وزیراعظم نریندر مودی کو بھی فالو نہیں کرتے۔
سنگھ کے سربراہ موہن بھاگوت بھی گزشتہ دو سالوں سے ٹوئٹر پر موجود ہیں ، لیکن انہوں نے آج تک اپنے اکاؤنٹ سے کوئی ٹویٹ نہیں کیاہے۔ موہن بھاگوت آر ایس ایس کے ہینڈل کے علاوہ کسی کوفالو بھی نہیں کرتے ہیں۔وہ وزیر اعظم نریندر مودی کو بھی فالونہیں کرتے ۔ آر ایس ایس کاآفیشل ٹوئٹر ہینڈل کسی کو بھی فالو نہیں کرتا ۔ آر ایس ایس کے 2.3ملین یعنی 23 لاکھ فالور ز ہیں۔
آر ایس ایس کے پرچارک دتاتریہ ہوسبولے کو 53 ہزار سے زیادہ لوگ فالو کرتے ہیں ، لیکن وہ کسی کو بھی فالو نہیں کرتے ہیں۔ یہاں تک کہ آر ایس ایس کے ٹوئٹر اکاؤنٹ کو بھی نہیں۔ آر ایس ایس میں سنگھ کے سربراہ اور سرکاریہ واہ کے بعد سہ سرکاریہ واہ کا نمبر آتا ہے ۔
موجودہ وقت میں منموہن ویدھ ،کرشنا گوپال ارون کمار ، مکند سی آر اور رام دت چکردھر پانچ سہ سرکاریہ واہ ہیں۔ ان میں سے چار کے ٹوئٹر پر اکاؤنٹس ہیں۔ رام دت چکردھر ٹوئٹر پر نہیں ہیں۔ کوئی بڑا لیڈر ان کی فالو لسٹ میں نہیں ہے ۔ صرف سہ سرکاریہ واہ مکندسی آر استثناء ہیں۔ وہ 932 لوگوں کو فالو کرتے ہیں ، جن میں وزیراعظم مودی سمیت بی جے پی کے کئی بڑے لیڈر شامل ہیں۔
اس کے علاوہ فیس بک پر سنگھ کے پیج کو 55,13,975لوگ فالو کرتے ہیں۔ جبکہ 54,76,251نے اس پیچ کو لائک کیا ہے۔ حالانکہ سنگھ کا فیس بک پیج بھی بہت سرگرم نہیں ہے ۔ اس پیج سے آخری بار اس سال 12 جون کو گجرات کے سینئر کارکنان امت بھائی کڈیوالا کے انتقال پر سنگھ سربراہ موہن بھاگوت کی طرف سے خراج عقیدت پوسٹ کی گئی تھی۔ اس پیج پر اوسطاً دس سے پندرہ دنوں کے بیچ کوئی پوسٹ آتی ہے ۔
وہیں سنگھ کا انسٹاگرام پر ایک اکاؤنٹ بھی ہے ۔ اس اکاؤنٹ سے کسی کو فالو نہیں کیا جاتا ہے،جبکہ 1.98لاکھ لوگ آر ایس ایس کے انسٹاگرام اکاؤنٹ کو فالو کرتے ہیں۔
