، آج سے نافذ ہوگی وِکست بھارت اسکیم••پہلی ملازمت ملنے پر 15 ہزار روپے•• سدرشن چکر بھی کیا جائے گا شروع ••جی ایس ٹی کم ہوگی•پاکستان کو وار ننگ
یوم آزادی کے موقع پر لال قلعہ کی فصیل سے خطاب کرتے ہوئے وزیر اعظم مودی نے کہا کہ ’سرحدی علاقوں میں ڈیمو گرافی بدل رہی ہے۔ ہم اپنے ملک کو دراندازوں کے حوالے نہیں کر سکتے۔‘
اُن کا کہنا تھا کہ ’آج مجھے لال قلعہ کی فصیل سے آپریشن سندور کے بہادر سپاہیوں کو سلام کرنے کا موقع ملا ہے۔ ہمارے بہادر سپاہیوں نے دشمنوں کو ان کے تصور سے بھی باہر کی سزا دی ہے۔‘اُن کا کہنا تھا کہ ’ہمارے بہادر سپاہیوں نے دشمنوں کو اُن کی سوچ سے باہر کی سزا دی اور جس طرح سے دہشت گرد سرحد پار سے آئے اور پہلگام میں قتل عام کیا۔ لوگوں کو ان کا مذہب پوچھنے پر مارا گیا۔ شوہر کو بیوی کے سامنے گولی مار کر ہلاک کیا گیا، باپ کو بچوں کے سامنے مارا گیا۔‘انھوں نے کہا کہ ’پورا ہندوستان غصے سے بھرا ہوا ہے۔ اس قسم کے قتل عام سے پوری دنیا حیران ہے۔ آپریشن سندور اسی غصے کا اظہار ہے۔‘وزیر اعظم مودی کا کہنا تھا کہ ’درانداز قبائلیوں کو الجھا رہے ہیں۔ وہ قبائلیوں کی روزی روٹی چھین رہے ہیں۔ میں ملک کو اس چیلنج سے آگاہ کرنا چاہتا ہوں۔‘ملک کو ترقی یافتہ بنانے کے لیے ہم اب سمندر کی طرف بڑھ رہے ہیں۔ ہم اپنے سمندروں کے اندر تیل اور گیس کے ذخائر کو تلاش کرنے کے لیے مشن موڈ میں کام کرنا چاہتے ہیں۔‘ترقی یافتہ ہندوستان کی بنیاد بھی خود انحصار ہندوستان ہے، اگر کوئی دوسروں پر بہت زیادہ انحصار کرتا ہے، تو آزادی کا سوال خود ہی ختم ہونے لگتا ہے۔‘
اُنھوں نے مزید کہا کہ ’خود انحصاری صرف درآمد، برآمد، روپیہ، پاؤنڈ یا ڈالر تک محدود نہیں ہے۔ اس کا مفہوم بہت وسیع ہے۔ خود انحصاری کا براہ راست تعلق ہماری طاقت سے ہے۔وزیر اعظم نریندر مودی نے کہا ہے کہ پاکستان کے ساتھ طے پانے والا سندھ طاس معاہدہ ’غیر منصفانہ اور یکطرفہ‘ تھ وزیر اعظم کا کہنا تھا کہ اس معاہدے نے گذشتہ سات عشروں کے دوران انڈیا کے کسانوں کو بہت نقصان پہنچایا ہے۔
مودی نے اپنے خطاب کے آغاز میں انڈیا کی فوج کی ستائش کرتے ہوئے ‘آپریشن سندور’ کا ذکر کیا اور دعویٰ کیا کہ ’بھارت کے بہادر فوجیوں نے دشمن کو ایسی سزا دی ہے جو اس کے گمان میں بھی نہیں تھی۔‘انھوں کہا کہ ‘ہماری فوج نے وہ کر دکھایا جو عشروں سے نہیں ہوا تھا۔ دہشت گردوں کے ٹھکانوں کو کھنڈر بنا دیا گیا۔ پاکستان کی ننیند اڑی ہوئی ہے۔ پاکستان میں اتنی بڑی تباہی ہوئی ہے کہ وہاں سے ہر روز نئے نئے انکشافات سامنے آ رہے ہیں۔‘
انھوں نے کہا کہ ’بھارت نے طے کر لیا ہے کہ وہ جوہری دھمکیوں کے آگے جھکنے والا نہیں ہے۔ نیو کلیئر بلیک میل ایک عرصے سے چلا آ رہا ہے۔ بھارت اب اسے مزید نہیں سہے گا۔ اگر دشمن نے پھر ایسی ( پہلگام جیسی) حرکت کی تو فوج اس کا اپنے طریقے سے منھ توڑ جواب دے گی۔‘
