سشانت کی موت کے بعد پہلی مرتبہ انکتا لوکھنڈے نے سشانت کے ساتھ اپنے تعلق پر خاموشی توڑی ہے ۔ اداکارہ کے مطابق وہ سشانت سنگھ راجپوت سے شادی کرنا چاہتی تھیں ، لیکن وہ اپنا کریئر بنانے میں مصروف تھے ۔
بالی ووڈ ببل سے بات چیت میں اداکارہ نے کہا کہ میں نے کئی چیزیں چھوڑ دیں ۔ میں نے ہیپی نیوایئر چھوڑی ، مجھے یاد ہے فرح میڈم نے مجھے فلم آفر کی تھی اور میں شاہ رخ سر بھی ملی تھی ۔ انہوں نے کہا تھا کہ میں کوشش کروں گا کہ تمہیں بیسٹ ڈیبیو دے سکوں ، میں نے سوچا ٹھیک ہے ، لیکن پیچھے میرے دماغ میں کئی چیزیں چل رہی تھیں ۔ میں مکاو میں تھی ۔ میں سشانت اور شاہ رخ سر ، ہم بیٹھے اور مجھے لگ رہا تھا کہ بھگوان میرا نہ ہو ۔ لڑکی کیسی ہوتی ہے نا ، وہ ہمیشہ کوشش کرتی ہے کہ اس کے پارٹنر کا اچھا ہو ۔
انکتا کے مطابق انہوں نے سشانت کیلئے چیزوں کو چھوڑ دیا اور اس کیلئے اپنے کریئر کی بھی پروا نہیں کی ۔ انہوں نے انکشاف کیا کہ انہیں فرح خان کی شاہ رخ خان اسٹارر ہیپی نیو ایئر فلم میں کام کرنے کا موقع ملا تھا ، جو ان کیلئے کسی خواب کے سچ ہونے جیسا تھا ، لیکن انہوں نے اپنے کریئر پر اپنے رشتے کو ترجیح دی ۔ انہیں باجی راو مستانی اور گولیوں کی راس لیلا : رام لیلا میں بھی رول آفر ہوئے تھے ، لیکن انہوں نے اس کو بھی منع کردیا تھا ۔
جس کے بعد اداکارہ نے 2019 میں آخر کار کنگنا رناوت کی فلم منی کرنیکا میں بطور سپورٹنگ اداکارہ بالی ووڈ میں ڈیبیو کیا ۔ اس کے بعد وہ ٹائیگر شراف ، شردھا کپور اور رتیش دیشمکھ اسٹارر فلم باغی تھری میں بھی نظر آئیں ، لیکن اداکارہ چاہتیں تو کافی پہلے اپنے بالی ووڈ کریئر کی شروعات کرسکتی تھیں ۔
انہوں نے باجی راو مستانی کے بارے میں بات کرتے ہوئے کہا کہ سنجے سر کا میرے پاس فون آیا تھا ۔ انہوں نے کہا : کر لے باجی راو ورنہ یاد رکھ پچھتائے گی تو ۔ وہ میری تعریف کررہے تھے اور سنجے سر سے ایسی باتیں سننی بہت بڑی بات تھی ۔ لیکن میں نے کہا : نہیں سر ، مجھے شادی کرنی ہے ۔ اس کے بعد انہوں نے کچھ نہیں کہا ۔ ان دنوں میں ایک آدمی کو بنانے میں مصروف تھی اور مجھے فخر ہے کہ میں ایسا کرنے میں کامیاب رہی ۔
