نئی دہلی: (ایجنسی)
یوپی کے نوئیڈا میں مذہب تبدیل کرانےکے الزام میں یوپی اے ٹی ایس نےمحمد عمر گوتم کے بعد ان کےبیٹے عبداللہ گوتم کو بھی گرفتار کر لیا ہے ۔ اے ٹی ایس نے عبداللہ کو نوئیڈا سے غیر قانونی تبدیلی مذہب کے الزام میں گرفتار کیا ہے۔ قبل ازیں یوپی اے ٹی ایس نے مولانا کلیم صدیقی کو تبدیلی مذہب کیس میں گرفتار کیا تھا۔
یوپی اے ٹی ایس کا دعویٰ ہے کہ عبداللہ ہی مذہب تبدیل کرنے والوں کو فنڈنگ کر رہاتھا۔ گزشتہ 12 جون کو یوپی اے ٹی ایس نے غیر قانونی تبدیلی مذہب معاملے میں دو مولانا کوگرفتار کیا تھا،ان سے پوچھ گچھ میں بڑےانکشاف ہوئےتھے ۔
واضح رہے کہ عبداللہ گوتم جامعہ نگر بٹلہ ہاؤس کے رہنے والے ہیں ۔ غیر قانونی تبدیلی مذہب کےمعاملے میں اب تک ملک بھر سے 16 گرفتاریاں ہوچکی ہیں جن میں مولانا عمر گوتم ،مولانا کلیم صدیقی بھی شامل ہیں۔
دراصل تبدیلی مذہب معاملے میں گرفتار کئےگئےمولانا عمر گوتم کا ویڈیو سامنے آنے کےبعدپولیس نے کارروائی کی۔ اس معاملے میں پولیس نے دعویٰ کیا کہ تبدیلی مذہب کے لیے ملک بھر میں 60 سےزائد مراکز چلائے جارہے ہیں، جن کے یوپی ، دہلی اور ہریانہ میں نیٹ ورک موجود ہیں۔ راجستھان اورمہاراشٹر میں بھی اس ریکٹ کا جال ہے۔ پولیس نے دعویٰ کیا کہ سائیلنٹ جہاد کے نام سے تبدیلی مذہب ہوتاہے ۔ یوپی اے ٹی ایس کو مولانا عمر گوتم کی گرفتاری کے بعد سے ہی عبداللہ کی تلاش کر رہی تھی۔
