امانت اللہ خاں نے گستاخ رسولؐ کے خلاف تھانہ میں شکایت درج کرائی،کہا، ہم توہین رسالت برداشت نہیں کرسکتے

نئی دہلی:
سوشل میڈیا پر ان دنوں ایک ویڈیو تیزی سے وائرل ہورہی ہے جس میں ڈاسنہ مندر کے مہنت نرسمہا نندسرسوتی مذہب اسلام کے خلاف قابل اعتراض تبصرہ کرتے ہوئے دکھائے دے رہے ہیں۔ اسی ساتھ آنخصور ؐ کی شان میں گستاخی بھی کی ہے۔ انہوںنے یہ بتادیں پریس کلب آف انڈیا میں پریس کانفرنس کے دوران کی تھی۔ نرسمہا نند کی گستاخانہ باتوں کے خلاف مسلمانوں میں زبردست ناراضگی پائی جاتی ہے۔
عام آدمی پارٹی کے دبنگ سینئر لیڈر ،اوکھلا سے ممبر اسمبلی اور دہلی وقف بورڈ کے چیئرمین امانت اللہ خاں نے گستاخ رسول نرسمہا نند کے خلاف جامعہ نگر تھانہ میں شکایت درج کرائی ہے اور دہلی پولیس سے اپیل کی ہے کہ نرسمہا نند کے خلاف سخت کارروائی کی جائے۔ نرسمہا نند جیسے لوگ سماج میں رہنے کے لائق نہیں ہے یہ ملک کا ماحول بگاڑ رہے ہیں۔ امانت للہ خاں نے اپنے ٹوئٹ میں کہاکہ ہمیں نبی صلی اللہ علیہ وسلم کی شان میں گستاخی بالکل برداشت نہیں۔ اسے سخت سزا دی جانی چاہئے۔ ہمیں ملک کے آئین پر بھروسہ ہے میں چاہتا ہوں کہ دہلی پولیس عملی قدم اٹھائے۔