رام پور:(آر کےبیورو)
اس وقت اعظم خاں اور ان کے بیٹے عبداللہ اعظم اور اہل خانہ کے خلاف 200 سے زیادہ کیس درج ہیں۔ اسی وجہ سے اعظم خاں اور ان کے بیٹے کی نامزدگی کا ان کے مخالفین کو سب سے زیادہ انتظار ہے۔ اعظم خاں اور ان کے بیٹے کے سیاسی ڈگر میں قانونی رکاوٹیں پیدا کرنے والے کانگریس کے امیدوار نوید میاں اور بی جے پی کے امیدوار نے حکمت عملی تیار کر لی ہے۔
عبداللہ اور ان کی والدہ جیل سے باہر ہیں، لیکن اعظم خاں اب بھی جیل میں ہیں۔ عبداللہ اعظم خود سوار اسمبلی اور اعظم خاں رام پور صدر سے الیکشن لڑنے کا ارادہ رکھتے ہیں۔ تاہم قانونی چارہ جوئی ان کے راستے میں رکاوٹ بن سکتی ہے۔ اعظم خاں کے خلاف 102، ان کی اہلیہ تزئین فاطمہ کے خلاف 34، بیٹے عبداللہ کے خلاف 44 اور بڑے بیٹے ادیب کے خلاف 31 مقدمات درج ہیں۔
اعظم خاں پریوار کے سیاسی مخالف نور محل میں اطمینان سے بیٹھے ہیں۔ ریاست رام پور کے دو نوابزادے – نوید میا اور ان کے بیٹے نوابزادہ حمزہ۔ نوید میاں رام پور صدر سے اعظم خاں کے خلاف کانگریس کے امیدوار ہیں اور ان کے بیٹے حمزہ اپنا دل کے ٹکٹ پر سوار ودھان سبھا سے عبداللہ اعظم کے خلاف الیکشن لڑنے کی تیاری کر رہے ہیں، لیکن نوید میاں بے صبری سے اعظم خاں اور ان کے بیٹے کی نامزدگی کا انتظار کر رہے ہیں، ایسا کیوں ہے؟
رام پور صدر سے کانگریس کے امیدوار نوید میاں کا کہنا ہے کہ سب کچھ قانونی ہونا چاہیے۔ پہلے کاغذات نامزدگی داخل کریں پھر بتائیں گے۔ ان کی نامزدگیوں کو چیک کریں گے۔ یہ ایک عوامی دستاویزات ہے۔ قانونی جنگ لڑیں گے۔
اکیلے اعظم خاں کے خلاف 80 سے زیادہ کیس درج کرنے والے آکاش سکسینہ رام پور صدر سے بی جے پی کے ٹکٹ پر لڑ رہے ہیں۔ عبداللہ اعظم کا برتھ سرٹیفکیٹ ہمیشہ آکاش سکسینہ کے ہاتھ میں ہوتا ہے اور اس کے ساتھ Y کیٹیگری کا سیکورٹی گارڈ ہوتا ہے۔ آکاش پیشہ کے اعتبار سے ایک تاجر ہیں لیکن اعظم خاں سے سیاسی دشمنی نکالنے کے لیے انہوں نے قانون اتنا پڑھا کہ کئی بار خود سپریم کورٹ میں دلائل دے چکے ہیں۔
بی جے پی امیدوار (رام پور صدر) آکاش سکسینہ نے کہا کہ میرے جتنے بھی کیس اعظم خاں کے خلاف ہیں ان میں باریکی سے جانچ کے بعد کیس درج ہوا۔ عدالت نے کہاکہ پین اور برتھ سرٹیفکیٹ فرضی ہے اور ان کی ایم ایل اے کی کرسی چلی گئی۔
اعظم خاں بیماری کی حالت میں جیل میں ہیں ،لیکن سیاسی دشمن ایک بار پھر اعظم خاں کے خاندان کو قانونی جنگ میں الجھانے کے لیے تیار بیٹھے ہیں۔
