نئی دہلی :
سپریم کورٹ نے سماج وادی پارٹی کے دبنگ لیڈر اعظم خاں اور ان کے بیٹے عبداللہ اعظم خاں کو جعلسازی کے ایک معاملہ میں ضمانت دے دی ہے۔ عدالت عظمیٰ نے ساتھ ہی ہدایت دی ہے کہ نچلی عدالت کےذریعہ سابقہ بیان درج کرنے کے بعد انہیں ضمانت پر رہا کیا جائے ، جسے چار ہفتہ کے اندر کیا جانا ہے ۔
جسٹس اے ایم کھانکولکر اور جسٹس سنجیو کھنہ کی بنچ نے دونوں لیڈروں کو ضمانت دے دی ہے۔ بنچ 26 نومبر 2020 کو الٰہ آباد ہائی کورٹ کے ذریعہ بات -بیٹا کی ضمانت عرضی خارج کرے کے حکم کے خلاف دائر اپیل پر یہ فیصلہ دیا ہے ۔
الہ آباد ہائی کورٹ نے گواہوں کے ساتھ چھیڑ چھاڑ کے خدشے کے باعث دونوں رہنماؤں کی ضمانت کی درخواستیں مسترد کر دی تھیں۔
واضح رہے کہ الیکشن کے وقت 25 سال سے کم عمر کے ہونے کی وجہ سے آئین ہند کے آرٹیکل 173 ( بی ) کے تحت ایم ایل اے بننے کے اہل نہ ہونے کےباوجود عبداللہ اعظم رام پور کے سوار اسمبلی حلقہ سے منتخب ہوئے تھے ۔ باپ اور بیٹے کے خلاف الزام تھا کہ بیٹے کے تعلیمی سرٹیفکیٹ کے مطابق ،عبداللہ کی پیدائش یکم جنوری 1993 کو ہوئی تھی ، جبکہ ان کی پیدائشی سرٹیفکیٹ کے مطابق ان کی پیدائشی تاریخ 30 ستمبر 1191 تھی۔
الزام ہے کہ لکھنؤ کارپویشن کے ذریعہ جاری کئے گئے پیدائشی سرٹیفکیٹ کا مقصد عبداللہ کو 2017 کے انتخابات میں حصہ لینے میں مدد کرنا تھا۔ آدھار کارڈ اور پین کارڈ بھی انہیں 2015 سے پہلے جاری نہیں کئے گئے تھے ۔
اس کے بعد اعظم خان اور ان کے بیٹے محمد عبداللہ اعظم خان کے خلاف دفعہ 420 ، 467 ، 468 ، 471 ، 120B IPC اور عبداللہ اعظم خان کے خلاف دفعہ 420 ، 467 ، 468 ، 471 IPC اور دفعہ 12 (1A) ، پاسپورٹ ایکٹ ، 1967 کے تحت ضمانت درج کی گئی۔
رام پور سے لوک سبھا رکن پارلیمنٹ اعظم خان اور ان کے بیٹے محمد عبداللہ اعظم خان کی ضمانت کی درخواست 26 نومبر 2020 کو الہ آباد ہائی کورٹ کے جج سنت کمار کی سنگل بنچ نے اس بنیاد پر خارج کردی کہ یہ عوامی مفاد میں نہیں ہوگا۔
عدالت نے موقف اختیار کیا کہ درخواست دہندگان کو ایک ایسے مقدمے میں ضمانت دی گئی ہے جہاں تاریخ پیدائش سے متعلق جعلی دستاویزات حاصل کرنے کا الزام ہے ، دوسرے معاملےمیں ضمانت کی درخواستوں پر غور کرتے ہوئے میکانکی طور پر نہیں دیکھا جا سکتاہے۔ حالانکہ کیس کی اصلیت جعلی تاریخ پیدائش میں ہے۔
عدالت نے کہا تھا ، ’دیئے گئے حقائق میں یہ نہیں کہا جا سکتا کہ موجودہ کیس تاریخ پیدائش کی بنیاد پر مؤخر الذکر دستاویز کی مبینہ اصلاح کا نتیجہ ہے۔ مقدمے میں مجرمانہ سازش ، دھوکہ دہی ، پہلے درخواست گزار کی دھوکہ دہی دوسرے درخواست گزار کو فائدہ پہنچانے کے لیے۔ دفتر کے غلط استعمال اور جعلی خریداریوں میں عہدے کے غلط استعمال کا الزام ہے۔ ‘
عدالت نےریاست کی درخواستوں کا مزید نوٹس لیا تھا کہ درخواست گزاروں کی مجرمانہ تاریخ تھی، 1982 سے اعظم خاں کے خلاف 91 معاملے درج کئے گئے ہیں، اور ان کے بیٹے کے خلاف 44 معاملے درج کئے گئے ہیں۔ جن میں سے زیادہ ترمعاملے دھوکہ دہیاور جعلسازی کے ہیں۔
سپریم کورٹ کے جسٹس آر ایف نریمن ،جسٹس ہریش کیش رائے اور جسٹس بی آر گوئی کی بنچ نے 6 مئی 2021 کو اترپردیش سرکار کو ضمانت عرضی پر نوٹس جاری کیا تھا۔
