نئی دہلی:
روچی سویا انڈسٹریز نے گزشتہ منگل کو اعلان کیا ہے کہ وہ پتنجلی کے بسکٹ کے کاروبار پتنجلی نیچرل بسکٹ پرائیویٹ لمیٹڈ کو حاصل کرے گی۔ یہ سوا 60.02کروڑ روپے میں طے ہوا ہے۔ کمپنی نے کہاکہ 10مئی کو بورڈ آف ڈائریکٹرز نے بزنس ٹرانسفر ایگریمنٹ پردستخط کردیا ہے۔
ادائیگی دو قسطوں میں کی جائے گی
حصول کا عمل اگلے دو ماہ میں مکمل ہوجائے گا۔ روچی سویا انڈسٹریز نے کہا ہے کہ حصول کی رقم دو قسط میں دی جائے گی۔ اس میں سے 15 کروڑ روپے معاہدے کی اختتامی تاریخ پر یا اس سے پہلے ادا کیے جائیں گے اور بقیہ 45 کروڑ روپے اختتامی تاریخ کے 90 دن کے اندر ادا کردیئے جائیں گے۔
کمپنی کے اثاثے اور ملازمین بھی نراٹسفر ہوں گے
اس ٹرانجکشن میں کچھ کانٹریکٹ مینوفیکچرنگ ایگریمنٹ بھی ہیں اور ساتھ ہی ملازمین کے ساتھ – ساتھ کمپنی کے اثاثے بھی ٹرانسفر ہوں گے۔ موجودہ اثاثوں اور موجودہ واجبات سمیت تمام لائسنس اور اجازت نامے بھی روچی سویا کو منتقل کردیئے جائیں گے۔ اس حصول کا مقصد کمپنی کے موجودہ پروڈکٹ پورٹ فولیو کو مزید بڑھانا ہے۔
پتنجلی نے قرض لے کر کمپنی خریدی تھی
روچی سویا نیوٹریلا ، مہاکوش ، روچی گولڈ ، روچی اسٹار اور سن رچ جیسے برانڈز کے ساتھ ہندوستان میں بزنس کررہی ہے۔ ایک وقت تھا جب روچی سویا بھاری قرض میں ڈوبی تھی ، جس کے بعد 2019 میں پتنجلی آریود نے اس کمپنی کو 4350 کروڑ میں خریدا لیا۔ اس کے لئے ، خود پتنجلی کو 3200 کروڑ روپے کا قرض لینا پڑا۔ پتنجلی نے ایس بی آئی سے 1200 کروڑ ، سنڈیکیٹ بینک سے 400 کروڑ ، پنجاب نیشنل بینک سے 700 کروڑ ، یونین بینک آف انڈیا سے 600 کروڑ اور الٰہ آباد بینک سے 300 کروڑ کا قرض لیا تھا۔
بابا رام دیو کی ہیں دونوں کمپنیاں
اگرچہ یہاں ایک کمپنی دوسری کمپنی خریدتی ہوئی نظر آرہی ہے لیکن یہ بھی معلوم کر لینا ضروری ہے کہ دونوں ہی کمپنیاں بابا رام دیو کی ہیں۔ پنتجلی کی شروعات بابا رام دیو اور اچاریہ بال کرشن نے 2006 میں کی تھی۔ابھی کمپنی کا 99.6فیصد اسٹاک اچاریہ بال کرشن کے پاس ہے، لیکن بابا رام دیو کمپنی کے کو فاؤنڈر ہیں۔ وہیں اگر بات روچی سویا کی کریں تو بابا رام دیو اس کمپنی میں نان نان ایگزیکٹو نان انڈیپنڈنٹ ڈائریکٹر (Non Exe.Non Ind.Director) ہیں۔