شملہ : (ایجنسی)
ہماچل پردیش میں منڈی لوک سبھا اور آرکی ،فتح پور ،جبل -کوٹکھائی اسمبلی سیٹوں پر بی جے پی کوشکست کے بعد وزیر اعلیٰ جےرام ٹھاکر نے بڑابیان دیا ہے ۔
انہوں نے ہار کی ٹھیکرا ایک طرح سے مرکزی سرکار پر ہی پھوڑاہے۔ انہوںنےکہاکہ بڑھتی مہنگائی کےسبب پردیش میں بی جے پی کو ہار کا سامنا کرنا پڑا ہے ۔ ایسے نتائج کی امید نہیں تھی۔
ان کے اس بیان کے بعد بی جے پی میں ہلچل بڑھ گئی ہے۔وہیں اپوزیشن بھی بی جے پی کےخلاف حملے کے موڈ میں آگئی ہے۔ ہماچل پردیش کےکانگریس انچارج راجیو شکلا نے کہا کہ مرکزی سرکار نے معیشت کی حالت خراب کرکے عوام کےجیب پر ڈاکہ ڈالنا شروع کردیا ہے۔
اس کے پاس دکھانے کے لیے نمبر نہیں ہیں، جی ڈی پی کے اعداد و شمارفرضی ہے۔ پیٹرول، ڈیزل، ایل پی جی کی قیمتوں میں بے تحاشا اضافہ کر دیا گیا ہے۔ ایسے میں اب بی جے پی کے خلاف مخالفت بڑھ رہی ہے۔ اس کا اثر یوپی انتخابات پر بھی پڑے گا۔
