بی جے پی سب سے مالدار،کانگریس کی حالت بی ایس پی سے بھی پتلی:اے ڈی آر

لکھنؤ:(ایجنسی)

اترپردیش اسمبلی انتخابات 2022کے لیے جاری کشمکش کے درمیان، انتخابی تجزیہ کرنے والی تنظیم ایسوسی ایشن فار ڈیموکریٹک ریفارمز (اے ڈی آر) نے ایک رپورٹ دی کی ہے۔ جس میں سبھی سیاسی پارٹیوں کے فنڈز کی تفصیلات موجود ہیں۔ اے ڈی آر کی رپورٹ کے مطابق بھارتیہ جنتا پارٹی (بی جے پی) کے پاس سب سے زیادہ اثاثے ہیں۔ بی جے پی نے 4,847.78 کروڑ روپے کے اثاثوں کا اعلان کیا ہے، جو تمام سیاسی جماعتوں میں سب سے زیادہ ہے۔ اس کے بعد مایاوتی کی بی ایس پی نے 698.33 کروڑ روپے اور کانگریس نے 588.16 کروڑ روپے کے اثاثے کا اعلان کیا ہے۔ ایسوسی ایشن فار ڈیموکریٹک ریفارمز نے یہ رپورٹ 2019-20میں قومی اور علاقائی پارٹیوں کے اثاثوں اور واجبات کے تجزیہ کی بنیاد پر تیار کی ہے۔

انتخابی اصلاحات کی وکالت کرنے والے ادارے اے ڈی آر کے تجزیہ کے مطابق مالی سال 2019-20 کے دوران سات قومی اور 44 علاقائی پارٹیوں کی طرف سے اعلان کردہ کل اثاثے بالترتیب 6,988.57 کروڑ روپے اور 2,129.38 کروڑ روپے تھے۔ اے ڈی آر کی رپورٹ میں کہا گیا ہے کہ سات قومی پارٹیوں میں سب سے زیادہ اثاثے بی جے پی (4847.78 کروڑ روپے، جو تمام اثاثوں کا 69.37 فیصد ہے)، بی ایس پی (698.33 کروڑ روپے یا 9.99 فیصد) اور کانگریس (588.16 کروڑ یا 8.42 فیصد ہے) کے ذریعہ ظاہر کیا گیا تھا۔

اس کے ساتھ ہی، 44 علاقائی پارٹیوں میں سے، ٹاپ 10 پارٹیوں کے اثاثے 2028.715 کروڑ روپے تھے یا یوں کہہ لیں کہ ان تمام کے اعلان کردہ کل اثاثوں کا 95.27 فیصد تھا۔ مالی سال 2019-20 میں، سماج وادی پارٹی نے علاقائی پارٹیوں میں سب سے زیادہ 563.47 کروڑ روپے (26.46 فیصد) کے اثاثوں کا اعلان کیا، اس کے بعد ٹی آر ایس نے 301.47 کروڑ روپے اوراے آئی اے ڈی ایم کےنے 267.61 کروڑ روپے کا اعلان کیا۔
مالی سال 2019-20 میں علاقائی جماعتوں کے ذریعہ اعلان کردہ کل اثاثوں میں فکسڈ ڈپازٹس؍ ایف ڈی آر کے طور پر 1,639.51 کروڑ روپے (76.99 فیصد) دکھائے گئے۔مالی سال کے لیے ایف ڈی آر ؍فکسڈ ڈپازٹس زمرہ کے تحت بی جے پی اور بی ایس پی نے 3,253.00 کروڑ روپے اور 618.86 کروڑ روپے کا اعلان کیا، جبکہ کانگریس نے 240.90 کروڑ روپے کا اعلان کیا۔ دوسری طرف، علاقائی جماعتوں میں ایس پی (434.219 کروڑ روپے)، ٹی آر ایس (256.01 کروڑ روپے)، اے آئی اے ڈی ایم کے (246.90 کروڑ روپے)، ڈی ایم کے (162.425 کروڑ روپے)، شیو سینا (148.46 کروڑ روپے)، بی جے ڈی (118.425روپے) جیسی سیاسی پارٹی شامل ہیں۔ جنہوں نے ایف ڈی آر ؍ فکسڈڈپازٹس کےتحت سب سے زیادہ اثاثوں کا اعلان کیا۔ مالی سال 2019-20 کے لیے سات قومی اور 44 علاقائی پارٹیوں کی طرف سے اعلان کردہ کل واجبات 134.93 کروڑ روپے ہے۔

رپورٹ کے مطابق قومی سیاسی پارٹیوں نے مالی سال 20-2019 میں مجموعی طور پر 74.27 کروڑ روپے کے واجبات کا اعلان کیا۔ قومی پارٹیوں نے قرض کے تحت 4.26 کروڑ روپے اور دیگر واجبات کے تحت 70.01 کروڑ روپے کا اعلان کیا اور مالی سال 2019-20 میںکانگریس 49.55 کروڑ روپے (66.72 فیصد) کی سب سے زیادہ کل واجبات کا اعلان کیا۔ اس کے بعداے آئی ٹی سی نے 11.32 کروڑ روپے (15.24 فیصد) کا اعلان کیا۔ علاقائی سیاسی پارٹیوں نے مالی سال 2019-20 میں کل 60.66 کروڑ روپے کی واجبات کا اعلان کیا۔ علاقائی پارٹیوں نے مالی سال 2019-20 میں قرض کے تحت 30.29 کروڑ روپے اور دیگر واجبات اور ٹی ڈی پی کے تحت 30.37 کروڑ روپے کا اعلان کیا۔ تجزیہ میں کہا گیا ہے کہ ڈی ایم کے نے 8.05 کروڑ روپے (13.27 فیصد) کا اعلان کرنے کے بعد 30.342 کروڑ روپے (50.02 فیصد) کی سب سے زیادہ کل واجبات کا اعلان کیا۔