نئی دہلی ( پریس ریلیز)
دہلی کی معروف غیر سرکاری تنظیم الحکمہ فائونڈیشن نے ذاکر نگر ویسٹ، اوکھلا میں 250ضرورت مندلوگوں میں کمبل تقسیم ۔ یہ کمبل ہمدرد نیشنل فائونڈیشن ، ((MREC ،نئی دہلی کے ذریعہ فراہم کئے گئے تھے۔ اس کے علاوہ مزید کمبلوں کی تقسیم بروز منگل، شاہین باغ اور جیت پور میں بروز اتوار عمل میںآئے گی۔ ان تمام کمبلوں کی فراہمی بھی ہمدرد نیشنل فائونڈیشن نے کی ہے۔ اس موقع پر فائونڈیشن کے سکرٹری سید شعیب احمد نے فائونڈیشن کا تعارف کراتے ہوئے لوگوں سے اپیل کی کہ وہ فائونڈیشن کے خدمت خلق کے کاموں سے استفادہ کریں۔
فائونڈیشن کے چیرمین ڈاکٹر ضیاء الدین احمد نے اپنے افتتاحی خطبہ میں پہلے مہمان خصوصی ڈاکٹر زیدی کا شکریہ ادا کیا اس کے بعد ایک حدیث کا ذکر کرتے ہوئے حاضرین کو یہ پیغام دیا کہ اللہ کی نظر میں سب سے بہتر انسان وہ ہے جو دوسروں کے لئے نفع بخش ہو اور یہ کہ اللہ اپنے بندہ کی اس وقت تک مدد کرتا رہتا ہے جب تک وہ بندہ اپنے بھائی کی مدد کرتا رہتا ہے۔ انھوں نے اپنی تقریر میںہمدرد نیشنل فائونڈیشن ((MREC، کا صمیم قلب سے شکریہ ادا کیا اور مستقبل میں بھی معاونت کے سلسلہ کو جاری رکھنے کی اپیل کی۔ انہوں نے مزید کہا کہ ہمدرد نیشنل فائونڈیشن کی طبی اور سماجی خدمات کو کبھی بھی فراموش نہیں کیا جاسکے گا۔
اس پروگرام کے مہمان خصوصی ریٹایرڈ پروفیسر علی حسنین زیدی، دہلی یونیورسٹی تھے ۔ اس موقع پر انہوں نے خطاب کرتے ہوئے الحکمہ فائونڈیشن کی خدمات کو سراہا۔ انہوں نے کہا کہ ضرورت مندوں کی ضرورت کو محسوس کرنا اور جہاں تک ممکن ہو انہیں اپنے وسائل سے پورا کرنا ہر انسان کا کام ہونا چاہئے۔ اس پروگرام میںضرورت مندوں میں کمبلوں کی تقسیم ڈاکٹر زیدی ، انجینئر مسرور، محمد شعیب ، ہمدرد یونیورسٹی، ثاقب یاسین، ایس ایس احمداور آصف فرقان کے ہاتھوں عمل میں آئی۔ ثاقب یاسین ، آصف فرقان، ڈاکٹر بلال اورسعود عالم نے مہمانوں کی ضیافت کی۔پروگرام کی نظامت کے فرائض سید شعیب احمد نے بحسن خوبی انجام دئے۔
