لکھنؤ(ایجنسی) پنجاب میں مالیر کوٹلہ کو ریاست کا نیا ضلع قرار دیا گیا ہے۔ وزیر اعلیٰ پنجاب کیپٹن امریندر سنگھ کے اعلان کے بعد ریاست میں اضلاع کی تعداد 22 سے بڑھ کر 23 ہوگئی ہے۔ دوسری طرف اتر پردیش کے وزیر اعلیٰ یوگی آدتیہ ناتھ نے حکومت پنجاب کے اس اقدام کو نشانہ بنایا ہے۔ انہوں نے کہا کہ ووٹ اور مذہب کی بنیاد پر کوئی امتیازی سلوک آئین ہند کی بنیادی روح کے منافی ہے۔ مالیر کوٹلہ کا قیام کانگریس کی تفرقہ انگیزی کی عکاس ہے۔
دریں اثناء
عید کے مبارک موقع پر پنجاب کے مالیر کوٹلہ کو مبارک! یہ ریاست کا 23 واں ضلع ہو گیا۔ پنجاب جیسی سکھ اکثریتی ریاست کا یہ ایسا پہلا بڑا علاقہ ہے جس کی 90 فیصد سے زائد آبادی مسلم ہے، یہاں کے منتخب ہوئےعوامی نمائندے ایم ایل اے بھی اکثر مسلم ہی ہوتے ہیں۔ کسی باہری کے سہارے یہاں سے منتخب ہو کر اسمبلی جانا ناممکن ہے۔ وہیں لوک سبھا کے لیے لگاتار دوسری بار عام آدمی پارٹی کی جانب سے منتخب کئے گئے کامیڈی اسٹار بھگونت مان کے سنگرور پارلیمانی حلقہ میں مالیر کوٹلہ کی 65,000مسلم آبادی کی بھی مان کی جیت میں بڑا رول ہے۔ اتنے کم آبادی والے علاقے کو عیدالفطر کے موقع پرضلع اعلان ہونا ہی نہیں بلکہ مالیر کوٹلہ کے باشندوں کے لیے اور بھی کئی اعلانات وزیر اعلیٰ کیپٹن امریندر سنگھ نے کی ہیں۔شیر محمد خاں کے نام پر کروڑ روپے کی لاگت سے مالیر کوٹلہ میں ایک میڈیکل کالج قائم کیاجائے گا۔ 12 کروڑ روپے کی لاگت سے لڑکیوں کے لیے ایک اور کالج کا قیام عمل میں آئے گا۔ ایک بس اسٹینڈ، ایک مہیلا تھانہ بھی بنے گا، جسے صرف خاتون اسٹاف ہی چلائیں گی۔ دراصل پنجاب میں ڈی جی پی رینک سے دو مہینے پہلے ریٹائر ہوئے سابق آئی پی سی افسر مصطفیٰ محمد کی ایم ایل اے بیوی رضیہ سلطان مالیر کوٹلہ سے ایم ایل اے منتخب ہو کر کیپٹن امریندر سنگھ سرکار میں دوسری خاتون کابینی وزیر ہیں۔بالی ووڈ کے مشہور گیت نگار ارشاد کامل کی پیدائش اور ان کا آبائی گھر مالیر کوٹلہ ہے ۔ کالج کے دنوں میں حصول تعلیم کے دوران ’’ سڈا حق ایتھے رکھ‘‘ جیسی گیتوں نے ارشاد کامل کو بالی ووڈ کی دنیا میں ایک نئی شناخت دی ہے۔ ضلع بننے سے آج ایک طرح سے وہ حق مالیر کوٹلہ جیسے پسماندہ علاقے کو مل گیا ہے۔
