نئی دہلی(پریس ریلیز)
آج بروز اتوار مسجد جھیل پیاؤ آئی ٹی او مولانا محمد مسلم قاسمی صدر جمعیۃ علماء دہلی کی صدارت میں جمعیۃ علماء دہلی کے ارکان منتظمہ کا اجلاس منعقد ہوا اجلاس کا آغاز قاری محمد ساجد فیضی کی تلاوت کلام اللہ اور مفتی شاداب کی نعت پاک سے ہوا،بطورمشاہد مرکزکی طرف سے مولانا قاری حمادالا اعظمی محاسب جمعیۃ علماء ہند شریک ہوئے،اجلاس میں آئندہ ٹرم کے لئے باتفاق رائے مولانا محمد مسلم قاسمی کو صدر منتخب کرلیا گیا۔
انتخابی کارروائی کے دوران ہی نومنتخب صدرنے آئندہ ٹرم کے لئے مفتی عبدالرازق مظاہری کوناظم اعلیٰ نامزدفرمادیا، اجلاس میں آئندہ ٹرم کے لئے مولانا محمد فرقان قاسمی خازن سمیت چارنائبین صدر مولانا عبدالحنان قاسمی،مولانا محمد عمر قاسمی،قاری دلشاد قمر مظاہری اورمفتی نظام الدین قاسمی کابھی باتفاق رائے انتخاب عمل میں آیا،مفتی اسرارالحق مظاہری،قاری محمد ساجد فیضی،مولانا محمد عرفان قاسمی، مولانا عبداللہ قاسمی کو ناظمین نامزد کیا گیا۔
مفتی عبدالرازق ناظم اعلٰی نے گزشتہ میقات کی کارکردگی پر تفصیلی سکریٹری رپورٹ پیش کرتے ہوئے کہاکہ جمعیۃ علماء دہلی کے کارکنان ہر وقت قوم و ملت اور ملک کی خدمت کے لئے تیار رہتے ہیں، جب بھی جیسی ضرورت ہوتی ہے اس کو سر انجام دینے میں کسی بھی طرح کی لاپروائی کے بغیر لگے رہتے ہیں، گزشتہ سال شمال مشرقی دہلی میں پیش آنے والے افسوسناک واقعہ کے موقع پر کارکنان جمعیۃ علماء دہلی نے قائدملت صدر جمعیۃ علماء ہند مولانا سید ارشد مدنی دامت برکاتہم کی ہدایت پر جمعیۃ علماء ہند کے تعاون سے مظلوموں اور فساد متاثرین کی ہر طرح سے مدد کی، خاکستر کئے گئے مکانات و مساجد کی تعمیر ومرمت سے لیکر کاروبارکے لئے مالی تعاون نیز دہلی فساد کے موقع پر جھوٹے مقدمات میں پھنسائے گئے بے گناہوں کے 150 مقدمات کی پیروی بھی جمعیۃ علماء ہند کر رہی ہے، جن میں سے تقریباسو مقدمات میں ضمانت ہوچکی ہے اور بہت سے لوگ باعزت بری بھی ہوئے ہیں،قابل ذکرہے کہ جمعیۃ علماء ہند ہمیشہ مظلوموں کے ساتھ کھڑی رہتی ہے اور بلا تفریق مذہب و ملت ہر ایک کا تعاون کرتی ہے، کوروناوائرس کی وجہ سے جب ملک میں لاک ڈاؤن لگادیا گیاتھا، لوگ ڈروخوف کی وجہ سے گھروں میں مقیدہوگئے تھے ایسے نازک موقع پر جمعیۃ علماء ہندکے خدام پریشان حال لوگوں کی مدد کے لئے سڑکوں اور گلیوں میں ریلیف کا کام انجام دے رہے تھے اور لوگوں کی ہرطرح سے مددکررہے تھے۔
اجلاس کے اہم شرکاء میں قاری اسرارالحق قاسمی،مفتی شاہ محمد قاسمی،چوہدری محمد اسلام،ڈاکٹر رضاء الدین شمس،مفتی انتظار حسین، مفتی شمیم احمد قاسمی، الحاج سلیم رحمانی، مولانا جمیل احمد، مولانا یحییٰ ارسلانی، مولانا محمد ممتاز قاسمی، مفتی محمد مستقیم قاسمی، مولانا شوکت مظاہری، مفتی محمد عیاض مظاہری، مفتی کفیل الرحمٰن قاسمی، مولانا عبدالرشید، مفتی محمد قاسم قاسمی، قاری عبدالرزاق، مولانا محمد راشد، حافظ محمد یاسین، مولانا محمد ایوب، مولانا نوراللہ اورحافظ رئیس احمد وغیرہ کے نام قابل ذکر ہیں۔ اجلاس کا اختتام مولانا محمد فرقان قاسمی کی دعاپر ہوا۔
