پہلگام متاثرین سے اظہار یک جہتی :,مسلم  پرسنل لا بورڈ اور دیگرتنظیموں نے وقف قانون سے متعلق تمام سرگرمیاں  تین دن تک روک دیں

نئی دہلی: (آر کے بیورو )پہلگام کے  دہشت گردانہ،انسانیت سوز  سانحہ نے ملک کو ہلاکر رکھ دیا ہے اور ہر شخص کی آنکھ نم ہوگئی ہے ،پہلی مرتبہ ایک الگ کشمیر نظر آیا جب وہاں کی مساجد سے اس کرتوت کی سخت مذمت ہوئی اور دیشد گردانہ واقعہ ہر عوام نے احتجاج کیا ،کشمیر میں مکمل بند رکھا اور ہڑتال کی
اس قومی سانحہ کے مدنظر آل انڈیا مسلم پرسنل لاء بورڈ اور دیگرتنظیموں ،اداروں نے وقف ایکٹ کے خلاف اپنے تمام پروگرام ملتوی  کردئیے  
خبر کے مطابق بورڈ  کے صدر مولانا خالد سیف اللہ رحمانی نے کشمیر کے پہلگام میں دہشت گردوں کےحملے میں بے گناہ افراد کے قتل پر اظہار افسوس کیا اور مجرموں کو کیفر کردار تک پہنچانے کا مطالبہ کیا  متاثرین سے اظہار یک جہتی  کے ساتھ بورڈ نے اس بزدلانہ حملے کی سخت مذمت کی اور مرنے والوں کے اہل خانہ سے اظہار ہمدردی اور زخمیوں کی جلد صحتیابی کی دعا کی  ـ
اسی دوران بورڈ کی جاری کردہ اطلاع کے مطابق مورخہ ۲۳ اپریل ۲۰۲۵ سے ۲۵ اپریل ۲۰۲۵ تک عوامی طور پر ہونے والے اس سلسلے کے تمام احتجاجی پروگرام موقوف رہیں گے اس سلسلہ میں سرکلر جاری کردیا ہے ـ  بورڈ کی مجلس عمل برائے تحفظ اوقاف کے کنوینر  ڈاکٹر قاسم رسول الیاس نے بتایا کہ پہلگام سانحہ  بہت المناک ہے جس میں بے گناہ شہریوں کی جان گئی ہے اس کے پیش نظر ہی  تین دنوں کے لیے سرگرمیاں موقوف ہوئی ہیں ہم اس غم میں ملک کے ساتھ ہیں -26 اپریل سے تمام عوامی سرگرمیاں حسب معمول جاری ہوجائیں گی  ـ26اہریل کو بورڈ کی کولکاتہ میں بڑی ریلی  ہے
قابل ذکر ہے کہ کل یعنی 24اپریل کو دہلی میں معروف شہری حقوق کی تنظیم APCRکے زیر اہتمام اسلامک سینٹر میں بڑا پروگرام ہونے والا تھا جس میں بڑی بڑی شخصیات  وقف ایکٹ ہر اپنے خیالات کا اظہار کرتیں یہ پروگرام انڈین مسلم فار  سول رائٹس کے اشتراک سے ہونا تھا جس کے سربراہ سابق ایم پی  محمد ادیب ہیں  اس پروگرام کو بھی ملتوی کردیا گیا ہے ،بہر حال مسلم پرسنل لا بورڈ کے اس قدم کو تحسین کی نظر سے دیکھا جارہا ہے