’فیس بک نے مسلم مخالف مواد اور بی جے پی ایم پی کے فیک اکاؤنٹس پر کوئی کارروائی نہیں کی‘

نئی دہلی : (ایجنسی)

مسلسل تنازع میں چل رہے سوشل میڈیا پلیٹ فارم فیس بک کو لے کر اس کی ایک سابق ایمپلائی سوفی ژانگ نے بڑا انکشاف کیا ہے ۔ ژانگ نے کہاکہ فیس بک نے بی جے پی سے جڑے فیک اکاؤنٹس والے نیٹ ورک کو نہیں ہٹایا ۔ جبکہ اس نے الیکشن کو متاثر کرنے والے کانگریس اور عام آدمی پارٹی کے فیک اکاؤنٹس کے نیٹ ورک کے خلاف کارروائی تھی ۔ یہ نیٹ ورک دہلی اسمبلی الیکشن 2020 کےدوران فیس فک کے سامنے آئے تھے ۔

سوفی ژانگ ان دنوں بطور وسل بلوئر کام کررہی ہیں ۔ ژانگ نے کہاکہ انہیں فیک اکاؤنٹس والے ان نیٹ ورک کے بارے میں 2019 کےآخر میں پتہ چلا تھا ۔

این ڈی ٹی وی سے بات چیت میں ژانگ نے کہا کہ انہیں سب سے پہلے ان چار نیٹ ورکس کے بارے میں پتہ چلا جن میں فیک اکاؤنٹس ہیں۔ ان میں سے دو بی جے پی اور دو کانگریس کے تھے۔ان میں سے تین نیٹ ورک (دو کانگریس اور ایک بی جے پی)کو ہم نے ہٹایا دیا ۔

سوفی نے کہا کہ وہ چوتھے نیٹ ورک کو ہٹانے والے تھے لیکن انہوں نے روک دیا کیونکہ انہیں معلوم ہوا کہ یہ نیٹ ورک ایک بی جے پی ایم پی چلا رہا ہے۔ سوفی نے کہا کہ اسی لیے وہ اس پرکارروائی نہیں کر سکتی تھیں۔