متھرا :
کورونا وائرس کے بحران کے درمیان ملک میں کئی مقامات پر اس عالمی وبا پر آستھا بھاری نظر آیا۔ کئی طرح کے توہم پرستی بھی دیکھنے کوملا۔ کہیں کورونا سے نجات پانے کے لیے پریوں کا پانی پلانے کی ویڈیو سامنے آئی تو کہیں سے جھاڑ -پھونک کرنے کی کلپ سامنے آئی۔ ہفتہ کو آر ایس ایس کی جانب سے ہون یاترا کی ویڈیو سامنے آئی ہے ۔ یہ ویڈیو آر ایس ایس برج واسیوں کی ہے۔ جہاں آر ایس ایس کارکنوں نے ہون یاترا نکالی ہے۔ اس ہون یاترا کی ویڈیو کو ٹرولرز نے نشانہ بنایا ہے۔ کئی مضحکہ خیز رد عمل دیکھنے کو مل رہے ہیں۔
@Pipalkoti
ری پلائی کرتے ہوئے کہتےہیں کہ طبی ماہرین سے صرف یہ پوچھنا چاہتے ہیں کہ کیا ہون کا دھواں کورنا مریضوں کے لیے ریمیڈسیور یا مصنوعی آکسیجن کاایک اچھا متبادل ہوسکتاہے ۔
@SSAzad11
کاکہنا ہے کہ آج ہم 21 ویں صدی میں جی رہے ہیں لیکن بھارت کے لوگ ابھی بھی پاکھنڈ کو چھوڑنے کے لیے تیار نہیں ہے۔ اگر ہون سے کورونا ختم ہو جائےگا ، کورونا ویکسین کیا کی ضرورت ہے؟ ملک کا روپیہ کیوں برباد کیا جا رہاہے ، جبکہ بھارت میں آر ایس ایس کی سرکارہے، سرکار ملک کے ہر گاؤں ،شہر میں ہون کراکر کورونا ختم کرادے۔
@dharmendra0207
کہتے ہیں چلاتے پھر رہے ہیں کہ ہون کا ذکر کسی گرنتھ میں ہو تو بتائیں یہ ہون کے طریقوں کے خلاف ہے ۔ یہ آستھا نہیں بلکہ سائنس پر توہم پرستی کے ذریعہ ناجائز حملہ کرنے کی کوشش ہے ۔
متھرا کی رکن پارلیمنٹ نے بھی دیا ہون کرنے کا پیغام:
متھرا کی رکن پارلیمنٹ ہیما مالنی کی ایک ویڈیو سوشل میڈیا پر کافی وائرل ہو رہی ہے۔ اس ویڈیو میں ہیما مالنی کی جانب سے اپنے گھر میں صوفے پر بیٹھ کر ہون کرتی ہوئی نظر آرہی ہیں۔ ویڈیو میں ہیما مالنی ہون کی دھونی پورے گھر میں دے رہی ہیں۔ اس کے بعد انہوں نے کہاکہ وہ روز صبح پوجا کرنے کے بعد ہون کررہی ہیں۔ تقریباً ایک سال سے وہ ہون کررہی ہیں ۔ جب سے کورونا وبا شروع ہوئی ہے تب سے وہ صبح اور شام ہون کررہی ہیں۔ انہوں نے کہاکہ ایسا کرنے سے گھر کا پورا ماحول پاک وصاف ہوجاتا ہے۔ اس کا دھواں پورے گھر کو پاک کردیتا ہے۔
انہوں نے ویڈیو میں مزید بتایا کہ اس دھواں میں گھی ، نیم کے پتے ، سرسو، نمک ، لوبان ، ان کے علاوہ اور بھی بہت ساری چیزیں ہیں۔ اس سے نہ صرف گھر کا ماحول پاک ہوتا ہے ، بلکہ اس سے بہت اچھی خوشبو آتی ہے۔ روزانہ ایسا کرنے سے کورونا کے علاوہ گھر میں دوسری بیماریاں نہیں آسکتی ہیں۔ گھر کا ماحول مکمل طور پر پرسکون اور پاک رہتا ہے۔ اس کے ساتھ ہی انہوں نے ملک کے تمام لوگوں کو یہ کرنے کا مشورہ دیا ہے۔ بتادیں کہ آج عالمی یوم ماحولیات کا دن ہے اور پورا ملک اس کو مختلف طریقوں سے منا رہا ہے۔
