لبنان کی مزاحمتی تنظیم حزب اللّٰہ کے شہید سربراہ حسن نصراللّٰہ اور سیکریٹری جنرل ہاشم صفی الدین کی نماز جنازہ ادا کردی گئی۔
عرب میڈیا کا کہنا ہے کہ حسن نصر اللّٰہ کو بیروت ایئرپورٹ روڈ کے قریب سپرد خاک کیا جائے گا، ان کا جسد خاکی تدفین کیلئے اسٹیڈیم سے لے جایا گیا، جہاں ہزاروں کی تعداد میں سوگواران موجود تھےخبر ایجنسی کے مطابق ہاشم صفی الدین کو پیر کو جنوبی لبنان میں سپرد خاک کیا جائے گا۔حسن نصر اللّٰہ اور سید ہاشم صفی الدین کے تاریخی جنازے میں شرکت کیلئے لبنان اور دنیا بھر سے لاکھوں افراد بیروت پہنچے تھے۔
بیروت میں امن و امان قائم رکھنے کےلیے فوج اور داخلی سیکیورٹی فورسز کے یونٹس تعینات کیے گئے تھے۔واضح رہے کہ حسن نصراللّٰہ 27 ستمبر 2024 کو اسرائیل کے جنوبی بیروت پر فضائی حملے میں شہید ہوئے تھے، جس میں اسرائیلی جیٹ طیاروں نے 85 ٹن دھماکہ خیز مواد سے ضاحیہ میں 6 رہائشی عمارتیں تباہ کر دی تھیںجبکہ سید ہاشم صفی الدین 3 اکتوبر 2024 کو اسرائیلی حملے میں شہید ہوئے۔
••حزب اللہ کی مزاحمت ختم نہیں ہوئی
دری اثنا حزب اللّٰہ کے سربراہ نعیم قاسم نے کہا ہے کہ مزاحمت ختم نہیں ہوئی، حزب اللّٰہ اب بھی مضبوط ہے۔ حزب اللّٰہ کے شہید سربراہ سید حسن نصراللّٰہ کی بیروت میں نماز جنازہ کے اجتماع سے خطاب کرتے ہوئے حزب اللّٰہ سربراہ نعیم قاسم نے کہا کہ مزاحمت اب بھی اسرائیل کا سامنا کرنے کےلیے تیار ہے۔انہوں نے کہا کہ ظالم امریکا کا اپنے ملک پر قبضہ منظور نہیں، امریکا جو مقاصد جنگ سے حاصل نہیں کر سکا وہ سیاست سے بھی نہیں کرسکتا۔
نعیم قاسم نے کہا کہ حسن نصراللّٰہ کے راستے پر چلیں گے اور ان کی جدوجہد جاری رہے گی
