نئی دہلی:(ایجنسی)
انڈیا ٹوڈے نے کاپی رائٹ کی خلاف ورزی اورہتک عزت کا الزام لگاتےہوئے آزاد نیوز میڈیا کمپنی نیوز لانڈری کےخلاف کیس دائر کر کےدو کروڑ روپے کا ہرجانہ کی مانگ کی ہے۔ اس سے قریب ایک مہینے پہلے انڈیاٹو ڈے گروپ کےذریعے کاپی رائٹ کی خلاف کی شکایت کئے جانے پر یوٹیوب نے اس کے ( نیوزلانڈری) چینل کو فیرج یعنی منجمد کردیاگیا تھا۔ نیوزلانڈری کےشریک بانی اورسی ای او ابھینندن سیکھری نے دی وائر کو بتایا کہ مقدمے کی کاپی شکایت کنندہ کےوکیل ہرش کیش بروا نے گزشتہ پیر (25 اکتوبر) کو رات 10:41بجےبھیجی تھی۔
سیکھری نے کہا کہ انڈیا ٹوڈے نے کئی اعتراضات اٹھائے ہیں۔ انہوں نے کہاکہ جیسے کہ ہم ان کےاینکروں کامذاق کیوں اڑ ارہے ہیں، ان کی رپورٹ پر تبصرہ کرنے سے لےکر ہماری کمنٹری کے لیے فوٹیج کا استعمال کرنے تک چینل نےاعتراض درج کرائی ہے۔نیوزلانڈری کے سی ای او نے کہاکہ یہ شکایت کئی سیکڑوں پیچ کی ہے ، جس میں انہوں نے کہا ہے کہ ’ہم نے ان کے اینکر کے خلاف ایسا کیوں بولا، ہم نے ان کے اینکر کا منھ بند کرکے کیوں دکھایا، وغیرہ وغیرہ ‘ ، سیکھری نے کہاکہ ’ یہ کافی پریشان کرنےوالی بات ہے کہ اس طرح کے لوگ ایسا کررہےہیں ، جنہیں پریس کی آزادی اور اظہار رائے کی آزادی کے لیے کھڑا ہونا چاہیے۔‘ انہوںنے آگے کہاکہ ’ جو مقدمہ دائر کیاگیا ہے، اسے دکھاتے ہوئے یہ بے حد تشویش کی بات ہے کہ یہ وہ لوگہیں جنہیں اس ملک میں اہم نیوز چینل مانا جاتا ہے ۔ یہ پریس کی آزادی اور اظہاررائے کی آزادی کے تئیں ان کی سمجھ اورعزز کو ظاہر کرتاہے۔ ان کی صحافت کےبارے میں جتنا کم کہاجائےاتنا اچھاہے۔‘
انہوں نے کہا کہ ٹوئٹر ، فیس بک اور یوٹیوب کے علاوہ نو لوگوں کوکیس میں فریق بنایا گیا ہے۔ سیکھری نے کہاکہ یہ بھی بدقسمتی کی بات ہےکہ انہوںنے ہردیش جوشی کا بھی نام لیاہے ، جو ایک فری لانسر ہیں اور جن کے پیچھے کوئی تنظیم نہیں کھڑی ہے۔ لیکن ہم ان کابچاؤ کریں گے ۔ وہ ہمارے لئےلکھتےہیں اور انہوںنےہمارے لئے کئی رپورٹ لکھی ہیں۔ نیوزلانڈری اس کے تمام قانونی اخراجات اور ضروریات کا خیال رکھے گی۔ جب بھی معاملہ رجسٹرڈ ہوگا ہم عدالت میں اپنا جواب داخل کریں گے ۔
اس مہینے کے شروعات میں، دی وائر نے اطلاع دی تھی کہ انڈیا ٹوڈے کی جانب سے ’کاپی رائٹ کی خلاف ورزی‘ کے لیے رپورٹ کئے جانے کے بعد نیوزلانڈری کے یوٹیوب چینل کو معطل کردیاگیا تھا۔ ان الزامات کو خارج کرتےہوئےنیوزلانڈری نےتب دعویٰ کیا تھا کہ انہیں اپنا کام کرنے سے روکنےکےلیے انہیں ٹارگیٹ کیا جا رہا ہے۔ تب بھی سیکھری نے کہا تھا کہ یوٹیوب سے شکایت کرنے سے پہلےانڈیا ٹوڈے گروپ نے نیوزلانڈری سے رابطہ نہیں کیا تھا۔
