خامنہ ائ نے امریکی تجویز مسترد کر دی کہا، ‘یورینیئم افزودگی جاری رکھیں گے’

ایران کے سپریم لیڈر علی خامنہ ای نے بدھ کے روز امریکہ کی اس تجویز کو مسترد کر دیا ہے جس میں ایران کو یورینیئم افزودگی روکنے کے لیے کہا گیا ہے۔ایرانی سپریم لیڈر نے کہا ‘جوہری معاہدے کے لیے امریکی تجویز ایران کے قومی مفاد کے خلاف ہے۔ اس لیے ہم یورینیئم افزودگی کا سلسلہ معطل نہیں کریں گے۔’
امریکہ و ایران کے درمیان ماہ اپریل سے جاری مذاکرات میں ایران کے یورینیئم افزودہ کرنے کے عمل پر غیر معمولی بحث جاری ہے اور ایک جوہری معاہدے میں اب تک کی یہ سب سے بڑی رکاوٹ ہے۔ دونوں ملکوں کے درمیان اٹلی و اومان میں 5 مذاکراتی دور ہو چکے ہیں۔ جس کے بعد امریکہ نے بھی اس امید کا زیادہ اظہار کرنا شروع کر دیا ہے کہ ایران کے ساتھ ایک بار پھر جوہری معاہدہ ممکن ہے۔ تاہم امریکی صدر ٹرمپ ایران کو یورینیئم افزودگی کی اجازت دینے کو تیار نہیں ہیں۔
بدھ کے روز ایرانی سپریم لیڈر نے کہا یورینیئم کی افزودگی اب بھی ایرانی جوہری پروگرام میں کلیدی حیثیت رکھتی ہے۔ یاد رہے پیر کے روز بھی ایرانی سفارتکار نے امریکہ کی اس تجویز کو مسترد کیا تھا کہ یورینیئم کی افزودگی معطل کر دی جائے۔ایران کا کہنا ہے کہ وہ پُرامن مقاصد کے لیے اپنا جوہری پروگرام جاری رکھے گا۔ تاکہ ٹیکنالوجی کا جوہری استعمال اپنی پر امن ضرورتوں کے لیے کرتا رہے۔ جبکہ مغربی طاقتوں کا کہنا ہے کہا ایران جوہری ہتھیار تیار کرنے کی کوشش کر رہا ہے۔