گائڈ لائن لاگو کرانا ہماری ذمہ داری نہیں: الیکشن کمیشن

‏‏‎ ‎‏‏‎ ‎|‏‏‎ ‎‏‏‎ ‎ خبریں

نئی دہلی :
الیکشن کمیشن نے ایک بیان میں کہا ہے کہ ڈیزاسٹر مینجمنٹ ایکٹ کے تحت کووڈ-19 کے لئے جاری کردہ رہنما اصولوں پر عملدرآمد کرانے کی ذمہ داری ریاستی عہدیداروں کی تھی۔
’دی ہندو‘ اخبار کی خبر کے مطابق الیکشن کمیشن کا بیان مدراس ہائی کورٹ کے اس تبصرے کے بعد سامنے آیا ہے جس میں مدراس ہائی کورٹ نے کووڈ- 19 کی وبا کے دوران انتخابی جلسوں کی اجازت دینے پر الیکشن کمیشن پر سخت تنقید کی تھی۔
گزشتہ پیر کو مدراس ہائی کورٹ کے چیف جسٹس جسٹس سنجیو بینرجی نے الیکشن کمیشن کی طرف سے پیش ہوئے وکیل سے کہا کہ کورونا کی دوسری لہر کے لیے صرف اور صرف الیکشن کمیشن ذمہ دار ہے۔ الیکشن کمیشن سے ناراض ، چیف جسٹس سنجیو بنرجی نے یہاں تک کہا کہ الیکشن کمیشن کے عہدیداروں پر قتل کا الزام عائد کیا جانا چاہئے۔جسٹس بنرجی نے کہا کہ عدالت کے واضح حکم کے باوجود کمیشن انتخابی مہم کے دوران فیس ماسک اور سینیٹائزر کے استعمال اور سماجی دوری کے رہنما اصولوں کو پوری طرح نافذ نہیں کرپایا۔

قارئین سے ایک گزارش

سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔