یوپی کے پانچ شہروں میں نہیں لگے گا لاک ڈاؤن: سپریم کورٹ

لکھنؤ :
اترپردیش کے پانچ شہروں کو لاک ڈاؤن کا سامنا نہیں کرنا پڑے گا۔ سپریم کورٹ نے الہ آباد ہائی کورٹ کے فیصلے پر روک لگا دی ہے۔ الہ آباد ہائی کورٹ کے پانچ شہروں میں لاک ڈاؤن نافذ کرنے کے فیصلے کے خلاف اتر پردیش کی یوگی حکومت نے سپریم کورٹ کا رخ کیا تھا ۔ چیف جسٹس آف انڈیا کی سربراہی میں سپریم کورٹ بنچ نے اپنے حکم میں اترپردیش حکومت کو ایک ہفتہ کے اندر مہاماری پر قابو پانے کے لئے اٹھائے گئے مختلف اقدامات اور سہولیات کو الہ آباد ہائی کورٹ کے سامنے پیش کرنے کو کہا ہے۔
اہم بات یہ ہے کہ پیر کے روز الہ آباد ہائی کورٹ نے ریاست کے پانچ انتہائی متاثرہ شہروں پریاگ راج ، لکھنؤ ، کانپور ، وارانسی اور گورکھپور میں طبی خدمات کی ناکامی کے سبب 26 اپریل تک لاک ڈاؤن جیسی پابندیاں عائد کرنے کا حکم دیا تھا۔

ہائی کورٹ حکومت کی سرکار کو پھٹکار

ہائی کورٹ نے کہا تھا کہ ایک مہذب معاشرے میں اگر صحت عامہ کا نظام چیلنجوں کا مقابلہ کرنے کے قابل نہیں ہے اور لوگ مناسب علاج کی عدم دستیابی سے مر رہے ہیں تو اس کا مطلب یہ ہے کہ کوئی مناسب ترقی نہیں ہوئی ہے۔ صحت اور تعلیم الگ الگ ہوگئے ہیں۔ موجودہ افراتفری سے متعلق طبی خدمات کے لئے حکومت کو ذمہ دار ٹھہرایا جانا چاہئے۔
ہم جمہوری ملک میں اس کا مطلب ہے کہ ملک میں عوام کا عوام کیلئے اور عوام کے ذریعہ تشکیل دی گئی سرکار ہے۔ جسٹس سدھارتھ ورما اورجسٹس اجیت کمار پر مشتمل ڈویژن بنچ نے یہ حکم پی آئی ایل کی سماعت کے دوران دیا۔ اگلی سماعت 26 اپریل کو ہوگی۔

خطرات کو جانتے ہوئے ، اس نے کچھ نہیں کیا … کرفیو آنکھ میں دھول جیسا

حکومت اس وبا کی دوسری لہر کے بارے میں جانتی تھی، لیکن پہلے اس کی تیاری نہیں کرسکی۔ لوگ اپنی جانیں گنوا رہے ہیں ، بڑے شہروں میں اسپتالوں میں 10 فیصد علاج دستیاب نہیں ہے ،ہیلتھ ورکرس بیمار پڑ رہے ہیں۔ ان سب کے بیچ حکومت کا دکھاوا کسی کام کا نہیں ۔
حکومت صرف کرفیو نافذ کرکے آنکھوں میں دھول جھونک رہی ہے۔ اگر لوگ مناسب طبی امداد نہ ملنے سے مر رہے ہیں تو اس کی ذمہ دارسرکار ہے۔ ایک سال کے تجربے اور اتنا سیکھنے کے بعد بھی وہ کچھ نہیں کر سکی۔ اگر کوئی ہمیں دیکھے گا تو ہم پر ہنسے گا کہ ہمارے پاس انتخابات پر خرچ کرنے کے لئے بہت زیادہ پیسہ ہے ، لیکن لوگوں کی صحت کے لئے اتنا کم ہے۔