کولکاتا :
مغربی بنگال میں انتخابی نتائج کے بعد ہوئے تشدد کو لے کر سی ایم ممتا بنرجی بی جے پی پر جم کر نشانہ سادھا۔ انہوں نے کہاکہ مرکزی وزیر مغربی بنگال میں تشدد بھڑکارہے ہیں اور یہی لوگ بنگال آکر کورونا پھیلا رہے ہیں۔ انہوں نے تشدد کے بعد کے حالات دیکھنے پہنچے مرکزی ٹیم کو لے کر کہاکہ انہیں آر ٹی پی سی آر نگیٹیو رپورٹ لانا ہوگا ۔ قانون تمام کے لیے یکساں ہے۔
سی ایم ممتا نے کہا کہ کورونا کے بڑھتے پھیلاؤ کے درمیان ٹیم یہاں آئی ، چائے پی کر گئی ۔ اب اگر وزیر یہاں اسپیشل فلائٹ سے بھی آتے ہیں تو انہیں آر ٹی پی سی آر کی منفی رپورٹ لانی ہوگی۔ انہوں نے کہاکہ کورونا یہاں اس لئے بڑھ رہاہے کیونکہ بی جے پی کے لیڈر یہاں لگاتار آرہے ہیں۔
مفت کورونا ویکسین کو لے کر ممتا بنرجی نے پی ایم مودی پر نشانہ سادھا۔ انہوں نے کہاکہ میں جو خط لکھا تھا اس اب تک جواب نہیں آیا ہے۔ وہ ٹیکہ کے لئے 30 ہزار کروڑ کیوں نہیں الاٹمنٹ کررہے ہیں۔ جبکہ نئی پارلیمنٹ عمارت اور مورتیوں پر 20 ہزار کروڑ روپے خرچ کئے جارہے ہیں۔
انہوں نے کہا کہ پی ایم کیئرس فنڈ ‘ کہاں ہے۔ وزیر اعظم مودی نوجوانوں کی زندگی کو خطرے میں کیوں ڈال رہے ہیں۔ ان کے لیڈران کو ادھر ادھر جانے کے بجائے کورونا اسپتالوں کا دورہ کرنا چاہئے۔ ان کے لیڈر یہاں آرہے ہیں اور کووڈ پھیلا رہے ہیں۔ ممتا بنرجی نے کہاکہ مغربی بنگال میں انتخابات کے بعد تشدد میں 16 لوگوں کی موت ہوئی۔ اس میں نصف ٹی ایم سی کے ہیں۔ انہوں نے تشدد میں مارے گئے لوگوں کے اہل خانہ کو دو – دو لاکھ کا معاوضہ دینے کااعلان کیا ۔
مغربی بنگال میں مرکزی وزیر پر حملہ
مغربی بنگال کے مغربی میدنا پور ضلع کے پنچ کھڑی علاقے میں جمعرات کو مرکزی وزیر برائے امور خارجہ اور بی جے پی رہنما وی مرلی دھرن کے قافلے پر مقامی لوگوں نے مبینہ طور سے حملہ کردیا۔وزیر کا دعویٰ ہے کہ حملے کے پچھے حکمراں جماعت ٹی ایم سی کے لوگوں کا ہاتھ ہے۔ حملے میں وہ بال بال بچ گئے،حالانکہ ان کی گاڑی کے شیشے توڑ دئے گئے۔
مرلی دھرن انتخابی نتائج کے اعلان کے بعد بھڑکے تشدد کا جائزہ لینے کے لئے 2 مئی کو بنگال میں تھے۔ ان کے ساتھ آنے والے بی جے پی کے سینئر رہنما راہل سنہا کی گاڑی پر بھی مبینہ طور پر حملہ کیا گیا۔
