نئی دہلی :
دارالحکومت دہلی میں کورونا کے معاملوں پر وزیر اعلیٰ اروند کیجریوال نے ہفتہ کو پریس کانفرنس کی۔ انہوں نے بتایاکہ دہلی کورونا انفیکشن کے نئےمعاملے میں گراوٹ آئی ہے،لیکن اس کا مطلب یہ نہیں کہ ہم احتیاطی تدابیر چھوڑدیں۔
انہوں نے کہا کہ دہلی میں 18 سال سے زیادہ عمر کے بچوں کو ویکسین لگانے پر روک لگا دی گئی ہے ۔ مرکزی حکومت نے ویکسین کی جتنی ڈوز بھیجی تھی وہ ختم ہوگئی ہے۔ اس کے سبب کئی ویکسینیشن سینٹروں کو بندکردیا گیا ہے ۔
کچھ ڈوز بچے ہیں جو آج شام تک ختم ہوجائیں گی۔ کل سے نوجوانوں کے ویکسینیشن کے تمام مراکز بند ہوجائیں گے۔ہم نے مرکز سے اور ویکسین کے ڈوز کی مانگ کی ہے ، جیسے ہی ڈوز ہمیں ملتے ہیں ، دہلی میں پھر سے نوجوانوں کی ویکسینیشن شروع کردی جائے گی۔
انہوں نے کہا کہ دہلی کو ہر ماہ 8 لاکھ ویکسین کی ضرورت ہوتی ہے۔ اس کے مقابلے مئی میں ہمیں صرف 16لاکھ ویکسین ملی۔ جون کے لئے مرکز نے اس کوٹے کو کم کرکے آٹھ لاکھ کردیا ہے ۔ ابھی تک ہم دہلی میں 50 لاکھ ویکسین لاکھ چکے ہیں اور دہلی کے تمام نوجوانوں کے لیے ہمیں ڈھائی کروڑ ویکسین کی ضرورت ہے ۔
ملک میں ایک دن میں پھر 4 ہزار سے زیادہ اموات، 2.5 لاکھ سے زیادہ نئے کیسز
ہندوستان میں جمعہ کے روز ایک مرتبہ پھر کورونا کے سبب چار ہزار سے زیادہ اموات درج کی گئیں، جبکہ 2.5 لاکھ سے زیادہ نئے کیسز کی تصدیق کی گئی۔ اس دوران 3.5 لاکھ سے زیادہ مریضوں نے شفایابی حاصل کر لی۔
مرکزی وزارت صحت کے مطابق ملک میں گزشتہ 24 گھنٹوں کے دوران کورونا کے 257299 نئے مریض رپورٹ ہوئے، جبکہ 357630 مریضوں نے شفایابی حاصل کی۔ اس دوران 4194 افراد نے دم توڑ دیا۔
