نئی دہلی:(ایجنسی)
Sulli Deal کا ماسٹر مائنڈ اوم کیشور ٹھاکر بھی اتوار کو پولیس کی حراست میں آگیا۔ درحقیقت وہ یہ سارا کھیل بہت ہی شاطرانہ طریقہ سے کھیل رہا تھا۔ لیکن جب بلی بائی ایپ کے ماسٹر مائنڈ نے راز فاش کیا تو حقیقت کھل کر سامنے آگئی۔بتادیں کہ ماسٹر مائنڈ اوم کیشور ٹھاکر بی سی اے کا طالب علم ہے۔ وہ آج سے ٹھیک دو سال پہلے یعنی جنوری 2020 میں ٹوئٹر ہینڈل @gangescion کے ذریعے ایک گروپ میں شامل ہواتھا جس کا نام تھاٹریڈ مہاسبھا ۔
ایسے کرتا تھا سلی ڈیل
بہت سے لوگ روزانہ اس گروپ پر بحث کرتے تھے۔ اس دوران گروپ کے ارکان نے مسلم کمیونٹی کی خواتین کو ٹرول کرنے کا منصوبہ بنایا۔ اس کے بعد شاطر اوم کیشور ٹھاکر نے ایک ایپ بنائی، جسے اس نے گٹ ہب کا نام دیا۔ پھر شاطر نے سلی فار سیل ویب سائٹ تیار کی تھی۔ ماسٹر مائنڈ مسلم خواتین کے ٹوئٹر ہینڈل سے معلومات اور ذاتی تصاویر نکال کر انہیں کھلے عام نیلام کرتا تھا۔ یہ ’سلی ڈیل‘ تھی۔
تصاویر نکال کر نیلامی کے لیےرکھیں
دراصل، اس گیم سے پردہ تب اٹھا جب ایک صارف نے GitHub کا ایک سنیپ شاٹ شیئر کیا۔ جس نے سلی ڈیلز کو ہوسٹ کیا تھا۔ اس میں مسلم کمیونٹی کی تقریباً 90 خواتین کی تصاویر شیئر کی گئی تھیں۔ جنہیں نیلامی کے لیے پیش کیا گیا تھا۔ بتادیں کہ لفظ ’سلی‘ مسلم خواتین کے لیے انتہائی توہین آمیز سمجھا جاتا ہے۔
ہنگامہ آرائی کے بعد ڈیلیٹ کر دئے ثبوت
سلی ڈیل ایپ پر ہنگامہ آرائی کے بعد ماسٹر مائنڈ اوم کیشور ٹھاکر نے تمام شواہد کو ڈیلیٹ کرنے کے ساتھ اسے تمام سوشل میڈیا پلیٹ فارمز سے ڈیلیٹ کر دیا۔ سلی ڈیل ایپ سے متعلق تصاویر اور کوڈز کا پتہ لگایا جا رہا ہے، تاکہ اس گیم میں چھپے زیادہ سے زیادہ لوگوں تک پہنچ سکے۔
ماسٹر مائنڈ نے باپ سے کہا-آپ ٹینشن نہ لو
دہلی پولیس کے اسپیشل سیل انٹیلی جنس فیوژن اینڈ اسٹریٹجک آپریشنز (آئی ایف ایس او)کی ٹیم نے جس ماسٹر مائنڈ کو پکڑا ہے وہ اندور کے راجندر نگر علاقے میں نیویارک شہر کا رہنے والا ہے۔ ملزم کے والدین کے مطابق ان کا بیٹا آئی ٹی ایکسپرٹ ہے۔ وہ اپنے کام میں ماہر ہے، لیکن ایسا کام نہیں کر سکتا۔ اسے پھنسایا جا رہا ہے۔ انہوں نے بتایا کہ دہلی پولیس اوم کیشور کا لیپ ٹاپ اور موبائل بھی اپنے ساتھ لے گئی ہے۔ سلی ایپ کے ماسٹر مائنڈ اوم کیشور ٹھاکر نے گرفتاری کے بعد اپنے باپ سے کہا کہ آپ ٹینشن نہ لیں۔ بتادیں کہ دہلی پولیس کی اس کارروائی کی خبر کانوں تک نہیں پہنچی۔ جب دہلی پولیس نے ٹویٹ کیا تو مقامی پولیس حرکت میں آگئی۔
فری لانسنگ ایپ بناتا ہے بیٹا
سلی ایپ کے ماسٹر مائنڈ کے باپ کا کہنا تھا کہ میرا بیٹا آئی ٹی ایکسپرٹ ہے، فری لانسنگ ایپ بناتا ہے۔ اس نے آئی پی ایس اسکول اندور سے تعلیم حاصل کی ہے۔ اسے پھنسایا جا رہا ہے۔ انہوں نے بتایا کہ ان کا بیٹا لوگوں کو گائڈ کرتا ہے، ہوسکتا ہے کہ وہ لوگوں کوگائڈ کرنےکاکام بھی کرتا ہو، ہو سکتا ہے کہ کسی کو اس نے بتایاہوگا ،ایسے میں اس نے اوم کیشور کا نام دیا ہے۔
اوم کیشور ٹھاکر کے باپ اکھلیش ٹھاکر نے آج تک کو بتایا کہ بچہ بہت ذہین ہے۔ لیکن کوئی ایسا کام نہیں کر سکتا۔ میرا بیٹا گھر سے بھی نہیں نکلتا۔ ان کا کہنا ہے کہ دہلی سے دو پولیس والے آئے تھے۔ بیٹے کو لیپ ٹاپ اور موبائل ساتھ لے گئے۔ اسے آج صبح ان کے بیٹے سےان کی بات بھی کرائی گئی ہے۔
