سعودی عرب میں پانچ امریکی طیارے تباہ کردیے گئے، عراق میں سفارت خانہ پر حملہ، تل ابیب دھماکوں سے تھرا اٹھا

ایرانی پاسداران انقلاب گارڈز کی جانب سے مزید امریکی و اسرائیلی اہداف کو نشانہ بنانے کا دعویٰ کیا گیا ہے۔ترجمان کا کہنا ہے کہ صہیونی ریاست کے اہم رہنماؤں کے مقامات اور خطے میں امریکی فوج کے 3 مقامات کو نشانہ بنایا ہے۔
دوسری جانب ایرانی میڈیا کا کہنا ہے کہ خودکش ڈرون نے بغداد میں امریکی سفارت خانے کے ایئر ڈیفنس سسٹم کو نشانہ بنایا ہےعراق کے دارالحکومت بغداد میں امریکی سفارت خانے کو میزائل سے نشانہ بنایا گیا ہے۔ عراقی حکام کے مطابق ایک میزائل سفارت خانے کے احاطے کے اندر ہیلی پیڈ پر گرا۔ اے پی نیوز ایجنسی نے یہ اطلاع دیاس حوالہ سے امریکی میڈیا کا کہنا ہے کہ عراقی دارالحکومت بغداد میں امریکی سفارت خانے کے کمپاؤنڈ میں ہیلی پیڈ پر میزائل سے حملہ کیا گیا جس کے بعد سفارت خانے کے کمپاؤنڈ سے دھواں بھی اٹھتا دیکھا گیا۔
دوسری جانب امریکی میڈیا کا کہنا ہے کہ قطر کے العدید ایئر بیس پر بھی متعدد دھماکے سنے گئے۔
اس سے قبل خبریں سامنے آئی تھیں کہ سعودی عرب کے ایک ایئربیس پر کھڑے امریکی فضائیہ کے پانچ طیارے تباہ ہو گئے ہیں۔ امریکی اخبار وال اسٹریٹ جرنل کی ایک رپورٹ کے مطابق یہ ٹینکر طیارے ایندھن بھر رہے تھے۔
رپورٹ میں کہا گیا کہ ان طیاروں کو ایرانی حملے میں نقصان پہنچا، حالانکہ حملے کا صحیح وقت نہیں بتایا گیا۔ امریکی سینٹرل کمانڈ نے ابھی تک اس معاملے پر کوئی بیان جاری نہیں کیا ہے۔
گزشتہ روز امریکی فضائیہ کا بوئنگ KC-135 ایندھن بھرنے والا طیارہ بھی عراق میں گر کر تباہ ہو گیا تھا۔ حادثے میں جہاز میں سوار عملے کے تمام چھ افراد ہلاک ہو گئے۔ ایران کی جنگ میں اب تک 11 امریکی فوجی اپنی جانیں گنوا چکے ہیں۔
دریں اثنا ایران سے اسرائیلی دارالحکومت تل ابیب پر میزائل حملے کئے گئے ہیں۔میڈیا رپورٹس کے مطابق تل ابیب میں 20 دھماکے سنے گئے، حملے کے بعد متعدد مقامات پر آگ لگ گئی۔علاوہ ازیں امریکی اخبار دی وال اسٹریٹ جرنل کی رپورٹ کے مطابق امریکا نے مشرق وسطیٰ میں مزید 5 ہزار فوجیوں کو تعینات کرنے کا اعلان کیا ہے۔ رپورٹ کے مطابق امریکی محکمہ دفاع نے ہزاروں امریکی میرینز کو مشرقِ وسطیٰ بھیجنے کا فیصلہ