مرزا پور:کانوڑیوں نے ذرا سی کہا سنی پر سی آرپی ایف جوان کی بڑی رحمی سے پٹائی کی،لاتوں،گھونسوں کا استعمال 

کانوڑیوں کی ہڑدنگی،مارپیٹ کرنے ،ڈھاںوں میں توڑپھوڑ کرنے کی خبریں تواتر سے آتی رہتی ہیں ایسی ہی ایک خبر یوپی کے مرزا پور سے آئی ہے ـ,نیوز پورٹل آج تک کے مطابق اترپردیش کے مرزا پور ریلوے اسٹیشن پر سنیچر کو اس وقت ہنگامہ ہوا جب کانوڑ یاترا پر نکلے کچھ نوجوانوں نے سی آر پی ایف کے ایک جوان کی بے دردی سے پٹائی کی۔ یہ واقعہ اس وقت پیش آیا جب جوان برہم پترا ایکسپریس کو پکڑنے کے لیے ٹکٹ خرید رہا تھا۔ اس دوران اس کا کچھ کانوڑیوں سے جھگڑا ہوا جو بعد میں تشدد میں بدل گیا۔۔عینی شاہدین کے مطابق جب جھگڑا بڑھ گیا تو کانواڑیوں نے جوان کو گھیر لیا اور اسے لاتوں، گھونسوں اور تھپڑوں سے بری طرح پیٹا اور اسے ریلوے اسٹیشن کے فرش پر لیٹادیا۔ جوان مدد کے لیے چیختا رہا لیکن بھیڑ میں موجود  لوگ ویڈیو بناتے رہے۔واقعہ کی اطلاع ملتے ہی ریلوے پولیس نے موقع پر پہنچ کر صورتحال پر قابو پالیا اور لڑائی میں ملوث 5 سے 7 ملزمان کو حراست میں لے لیا۔ ان تمام کے خلاف سرکاری ملازم پر حملہ، بدسلوکی اور امن کی خلاف ورزی کی دفعات کے تحت مقدمہ درج کیا گیا ہے۔پولیس حکام کا کہنا ہے کہ دیگر ملزمان کی ویڈیوز اور گواہوں کی بنیاد پر شناخت کی جا رہی ہے۔ معاملے کی مکمل تفتیش کی جا رہی ہے اور ذمہ داروں کے خلاف سخت کارروائی کی جائے گی۔