مودی زمین سے کٹ گئے ہیں:ــ تولین سنگھ

  ہلوزیر اعظم نریندر مودی کو یہ کہتے ہوئے سن کر حیران ہوں کہ ہندوستان میں بھائی چارہ اور اتحاد اب اتنا مضبوط ہے جتنا پہلے کبھی نہیں تھاکیا وزیر اعظم کو نہیں معلوم کہ اس ملک کے مسلمان دوسرے درجے کے شہری ہونے لگے ہیں؟  کیا وزیر اعظم نہیں جانتے کہ مسلمانوں کو اب ان پر اعتماد نہیں رہا؟   شاید وہ نہیں جانتے کیونکہ ان کے پاس نہ تو مسلمان وزیر ہیں، نہ مسلمان دانشور اور نہ ہی مسلمان دوست۔ پرانے بھارت کے زمانے میں بہت سی خامیاں تھیں لیکن بھائی چارے کی کوئی کمی نہیں تھی۔  دیوالی، عید اور ہولی اس وقت ہندو اور مسلمان مل کر مناتے تھے۔  ایسا آج نہیں ہے اور اس کی وجہ یہ ہے کہ ہر دوسرے یا تیسرے دن بھارتیہ جنتا پارٹی کا کوئی نہ کوئی سرکردہ لیڈر کچھ ایسا کہتا ہے جس سے مسلمانوں کو لگتا ہے کہ انہیں ایک بار پھر نشانہ بنایا جا رہا ہے۔ حال ہی میں، جب یوگی آدتیہ ناتھ نے کہا کہ ‘اگر ہم تقسیم ہوئے تو کٹ جائیں گے’، مسلمانوں نے اس کا مطلب صاف طور پر سمجھا۔  یوگی کے اس بیان کے بعد جب کئی ہندوتوا سوچ رکھنے والے لیڈروں نے اسے دہرانا شروع کیا تو مسلمانوں کے لیے پیغام اور بھی واضح ہونے لگا۔
  وزیراعظم کی تقریر سن کر ایسا لگا کہ وہ ان باتوں سے بالکل بے خبر ہیں۔  سردار پٹیل کے مجسمہ کے سائے میں قومی اتحاد کا دن منانے سے کچھ حاصل نہیں ہوگا۔  ایک بار پھر بھائی چارہ بحال کرنے کے لیے خود وزیراعظم کو نئے سرے سے آغاز کرنا ہو گا۔  گزشتہ انتخابات میں یہ ثابت ہو چکا ہے کہ مسلم ووٹروں نے کانگریس کو زندہ کرنے میں بھرپور مدد کی ہے۔  وزیر اعظم کو اس بات کی فکر ہونی چاہیے کہ مسلمان منصوبہ بند طریقے سے بی جے پی کو شکست دینے میں لگے ہوئے ہیں۔