مختار انصاری بی جے پی کو جیت دلائیں گے!

سپریم کورٹ سے مافیا ڈان مختار انصاری کو اتر پردیش لانے کا حکم ملنے کے بعد بی جے پی قائدین بہت خوش ہیں۔ پریاگ راج میں آر ایس ایس کے ایک پرچارک کا خیال ہے کہ یہ ایک بڑی جیت ہے۔ ان کا کہنا ہے کہ مختار کو ریاستی جیل لانے سے ایک بڑا پیغام جائے گا۔ بی جے پی تنظیم میں بنارس کے ایک سرگرم رہنما کا کہنا ہے کہ پنچایتوں کے انتخاب کا عمل جاری ہے۔ ایسی صورتحال میں مختارکو لانے میں کامیابی کا فائدہ ہوسکتا ہے۔ یہ پنچایت انتخابات میں دیکھا جاسکتا ہے۔ کہا جاتا ہے کہ مختار سے متعلق بند مقدمات کھولنے کا عمل بھی شروع ہوچکا ہے۔ تمام عدالتوں میں کیس کھولنے کے لئے درخواستیں دینی شروع ہو گئی ہیں۔دعوی کیاجاتا ہے کہ مختار کو اترپردیش آنے کی گھبراہٹ دیکھ کر بڑے مافیا کے خلاف لوگوں کا خوف ختم ہوتا جارہا ہے۔ کہا جاتا ہے کہ آئندہ سال اسمبلی انتخابات ہونے ہیں۔ اسے مختار کے خلاف ریاستی حکومت کی طرف سے سخت اقدامات اٹھانے کا فائدہ بھی ہوگا۔چونکہ مختارانصاری مافیاڈان ہیں ۔ وہ تمام مجرمانہ مقدمات میں ملوث ہیں۔ اترپردیش پولیس تلاش کر رہی ہے۔ در حقیقت یوگی حکومت مختار کی ریاستی جیل میں واپسی کی منتظر ہے ، کیونکہ مختار ایک مافیا ڈان ہونے کے ساتھ ساتھ ایک مسلمان بھی ہیں۔