کشمیر سے مسلمانوں کا صفایا کیاجائے ،اسلام مکت ہو، یہ ہندوؤں کی زمین ہے :کالی سینا کا سرکار سے مطالبہ

کالی سینا کے بانی کی طرف سے پوسٹ کی گئی متنازعہ ویڈیو نے پہلگام دہشت گردانہ حملے کے بعد کشمیری مسلمانوں کے خلاف کھلے عام دھمکی آمیز کالوں پر غم و غصے کو جنم دیا ہے۔
فیس بک پر پوسٹ کی گئی ویڈیو میں کالی سینا کے بانی سوامی آنند سوروپ کو کشمیری مسلمانوں کے خلاف کارروائی کا مطالبہ کرتے ہوئے سنا جا سکتا ہے۔وہ کہتے ہوئے سنے جاسکتے ہیں کہ  "میں حکومت سے اپیل کرتا ہوں کہ وہ دہشت گردوں کے ہمدردوں اور کشمیر میں موجود مسلمانوں کا صفایا کرے۔”
اس کے بعد یہ مہاشے  ہری سنگھ شنکراچاریہ اور دوسروں کے ناموں کا ذکر کرتے ہیں تاکہ یہ بتایا جاسکے کہ یہ زمین ہندوؤں کی ہے۔  "یہ ہندوؤں کی سرزمین ہے، ہر قیمت پر کشمیر کو اسلام سے پاک ہونا چاہیے۔”یہ چونکا دینے والی کھلی دھمکی ہے جس میں کشمیر سے مسلمانوں کا صفیا کرنے دھمکی دی گئی ہے ،کالی سینا کے مہاشے آگے یہ بھی دھمکاتے ہیں کہ چاروں دھام میں کوئی مسلمان نظر نہ آیے ورنہ ان کا حشر بہت بدتر یوگا ،کھلے عام مسلمانوں کے قتل عام اور جینو سائڈ کی دھمکیاں سوشل میڈیا پر ویڈیو اپ لوڈ کرکے دی جارہی ہیں مگر ان کے خلاف کوئی کارروائی نہیں ہوتی ہے  _ سردست  پہلگام حملے کے تناظر میں کشمیر اور ہندوستان بھر میں مسلمانوں کے خلاف تشدد کا مطالبہ کیا گیا ہے۔  ملک بھر میں کشمیری طلباء پر  جسمانی حملوں اور بدسلوکی کا سلسلہ جاری ہے۔ اتر پردیش اور دیگر مقامات پر بڑھتی ہوئی دشمنی اور جارحیت کے درمیان کئی کشمیریوں کو گھر خالی کرنے کو کہا گیا ہے۔  دائیں بازو کے ارکان مسلمانوں کو نشانہ بناتے ہوئے نفرت انگیز مہم چلاتے رہتے ہیں۔