ممبئی:مہاراشٹر میں اورنگ زیب کو لے کر ہنگامہ آرائی کے درمیان اب دیویندر فڑنویس حکومت کے ایک وزیر نے خلد آباد شہر کا نام تبدیل کرنے کا اعلان کیا ہے۔ مہاراشٹر کے وزیر سنجے شرساٹ نے کہا ہے کہ خلدآباد قصبہ جس میں مغل بادشاہ اورنگ زیب کا مقبرہ ہے، کا نام بدل کر رتنا پور رکھا جائے گا۔
سماجی انصاف کے وزیر، کچھ دیگر ریاستی رہنما اور دائیں بازو کی تنظیمیں چھترپتی سمبھاجی نگر قصبہ سے تقریباً 25 کلومیٹر دور خلدآباد سے اورنگ زیب کے مقبرے کو ہٹانے کا مطالبہ کر رہی ہیں۔ اورنگ زیب، ان کے بیٹے اعظم شاہ، نظام آصف جاہ اور بہت سے دوسرے لوگوں کے مقبرے اس علاقے میں موجود ہیں۔
پچھلے مہینے کے شروع میں، شرساٹ نے کہا تھا کہ مہاراشٹر میں شہنشاہ اورنگ زیب کی قبر کے لیے کوئی جگہ نہیں ہے، جنھوں نے چھترپتی سنبھاجی مہاراج کو تشدد کرکے قتل کیا تھا۔ پچھلے ہفتے نامہ نگاروں سے بات کرتے ہوئے شرساٹ نے دعویٰ کیاتھا کہ چھترپتی سمبھاجی نگر پہلے کھڑکی کے نام سے جانا جاتا تھا اور بعد میں اس کا نام اورنگ آباد رکھا گیا۔ شیرساٹ نے کہا کہ حکومت خلد آباد میں ایک یادگار بنانے کے بارے میں بھی مثبت سوچ رکھتی ہے۔ یہ چھترپتی شیواجی مہاراج اور ان کے بیٹے سنبھاجی مہاراج کی تاریخ کی علامت بن جائے گی۔
اب اورنگزیب کے مقبرے والے قصبے خلد آباد کا نام بھی بدلا جائے گا
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
