نئی دہلی:معروف صحافی اور تحریک اسلامی کے آرگن (سابق) سہ روزہ دعوت کے طویل عرصہ تک چیف ایڈیٹر رہے عبدالحق پرواز رحمانی کا مختصر علالت کے بعد انتقال ہوگیا ـ
انیوں نے پیر کی شب ساڑھے نو بجے آخری سانس لی ـوہ اوکھلہ کے الشفا ہاسپٹل میں زیر علاج تھے ،انہیں برین ہیمرج اور فالج سے متاثر ہونے کے بعد آئی سی یو میں داخل کیا گیا تھا ،حالت نازک ہونے پر وینٹی لیٹر پر بھی رکھا گیا مگر ان کی طبیعت میں بہتری نہیں ہوئی ـ پسماندگان میں اہلیہ اور دو بیٹیاں ہیں ،نماز جنازہ منگل کو بعد نماز ظہر مرکز جماعت اسلامی کے کیمپس میں واقع مسجد اشاعت اسلام میں ادا کی جائے گی اور قبرستان شاہین باغ میں تدفین ہوگی
پرواز رحمانی سہ روزہ دعوت کے پانچویں اور آخری چیف ایڈیٹر تھے ، انہوں نے 1964سے یہاں مختلف حیثیتوں سے کام کیا ـ سہ روزہ دعوت ہفت روزہ ہوکر حیدرآباد منتقل ہوگیا ـ قابل ذکر ہے کہ سہ روزہ دعوت کے پہلے چیف ایڈیٹر اصغر علی عابدی نے معروف کالم خبرونظر شروع کیا تھا جس کی آب وتاب کو پرواز رحمانی کے قلم نے آخروقت تک برقرار رکھا ،اس کی کمی ہمیشہ محسوس کی جائے گی ـ ان کی فکر بہت پختہ تھی وہ جماعت اسلامی کی مرکزی مجلس شوریٰ کے بھی ممبر رہے ـ مرحوم تحریک اسلامی کی بنیادی فکر کے مضبوط ترجمان تھے ،ان کی صحافتی و تحریکی خدمات کو عرصہ تک یاد رکھا جائے گا
معروف صحافی سہ روزہ دعوت کے چیف ایڈیٹر پرواز رحمانی انتقال کرگیے
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔