— تو’غیر ہندو’ کی جم کر ٹھکائی کرو، اسے بیچ میں سے کاٹ دو، گھر میں اسلحہ رکھو: پرگیہ ٹھاکر کی ہیٹ اسپیچ

بھوپال: بھوپال کی سابق بی جے پی ایم پی سادھوی پرگیہ سنگھ ٹھاکر نے ایک بار پھر اشتعال انگیز نفرت پر مبنی بیان دیا ہے ،یہ بیان غیر ہندوؤں کو لے کر دیا ہے۔ اس سے کیا مراد ہے بتانے کی ضرورت نہیں ہے – مالیگاؤں بم دھماکہ کیس کی سابق ملزمہ نے کہا، "غیر ہندوؤں کی تیار کردہ کوئی چیز مت کھاؤ۔ اگر تم مندر کے آس پاس ایسے لوگ پاؤ تو ان کی ٹھکائی کرو۔ انہیں بیچنے یا اندر آنے نہ دو۔”پرگیہ نے کہا، "کسی بھی غیر ہندو کو اپنے گھر میں داخل نہ ہونے دو، چاہے وہ لائٹ فٹنگ ہو، پلمبنگ فٹنگ ہو یا کلینر۔ غیر ہندوؤں کو سبق سکھانے کے لیے، اپنے گھر میں ہتھیاررکھنا چاہیے۔”
انڈیا ٹی وی کی رپورٹ کے مطابق پرگیہ سنگھ ٹھاکر نے یہ باتیں اتوار کو بھوپال کے چھولا علاقے میں درگا واہنی پاتھ سنچلن پروگرام کے دوران خواتین سے خطاب کرتے ہوئے کہیں۔ انہوں نے کہا، "نوراتری کے دوران، ہمیں مندروں میں کئی گروپ بنانے ہوں گے تاکہ یہ معلوم کیا جا سکے کہ ہمارے مندروں کے ارد گرد پرساد کون بیچتا ہے۔ اگر ہم کوئی غیر ہندو پرساد بیچتے ہوئے دیکھیں تو ان کی ہر ممکن حد تک پٹائی کریں۔
ـــ تو دشمن کو بیچ سے کاٹ دو
سادھوی پرگیہ سنگھ ٹھاکر نے یہ بھی کہا کہ اگر دشمن آپ کی دہلیز کو پار کرے تو انہیں بیچ میں سے کاٹ دو۔ اسلحہ گھر میں رکھیں۔ میں نے کہا ہے کہ ہتھیار اپنے گھروں میں رکھو۔ انہیں تیز رکھیں۔ کیونکہ جب ہماری بیٹیوں اور بہنوں کو ان کے گھروں سے اغوا کیا جاتا ہے اور ان کے ٹکڑوں کو سڑک پر بکھیر دیا جاتا ہے تو اس سے ہمیں بہت تکلیف ہوتی ہے۔پرگیہ نے کہا کہ اس درد سے بچنے کے لیے جب دشمن ہماری دہلیز پار کرنے کی کوشش کرے تو اسے آدھا کاٹ دینا چاہیے۔ درگا واہنی کا کام ہر گھر میں درگا پیدا کرنا ہے۔ ہر گھر میں اسلحہ رکھنے کا مطالبہ۔ ہم ہر گھر میں اصول و ضوابط پر عمل کرتے ہیں کیونکہ یہ ملک ہمارا ہے۔